Ceremonia di
reconocimento
pa e scolnan participante di
AHATA Coastal Cleanup 2013
E aña aki AHATA su
comision di Medio
Ambiente a organisa
su di 12 Limpieza Nacional di nos Costa y
Beachnan. AHATA ta
sumamente orguyoso di por a conta cu
e sosten di 17 scolnan, diferente companianan, gruponan
y individual, cual ta
consisti di instancianan caritativo, organisacionnan di sector publico y priva,
AHATA su miembronan, pueblo di Aruba
y nos kerido muchanan di scol. AHATA ta
gradici di curason tur
2
E-Vespertino.com
participante cu di un
of otro manera a haci
e evento aki posibel
y un danki special
na nos main sponsor Tropical Bottling /
Coca Cola. Tambe un
danki inmenso na tur
otro sponsornan cu a
contribui cu e coastal
cleanup/fundraising
di e aña aki y e team
di AHATA su comision
di medio ambiente.
E aña aki a yena 7
container cu sushi cu
a wordo colecta for di
nos diferente beach
y costanan,na diferente area rond di full
Aruba. Mayoria di su-
shi cu a wordo colecta tabata consisti pa
gran parti di plastic
cu a wordo treci door
di lama, boter, bleki,
sapato, tissue, saconan, foambox, cups,
tapadera di boter, sigaria, liña di piscado,
straws, glas, taira y
otro articulonan cu a
wordo benta na costa.
Diamars siman pasa
dia 3 di December
a tuma luga na
Divi Aruba Phoenix Beach Resort
– Sunset Garden
Ballroom e ceremonia di clausura
di e Coastal Cleanup 2013. Durante e
evento aki AHATA a
duna reconocimento na tur scol cu a
participa. E ta di
admira e animo y
energia cu tur studiante y docente a
demostra mientras
nan tabata colecta
e sushi. Durante
e ceremonia aki,
cada scol a ricibi
un plakkaat como
danki pa nan participacion.
Despues a sigui cu
un rifa na unda diferente scol y docente
a gana premionan
bunita di Coca-Cola,
Boolchands, Butterfly
Farm, Pelican Adventures, Red Sail Sports,
AHATA su commission
di medio ambiente, y
Kooyman.
AHATA su comision
di medio ambiente lo
sigui traha duro pa cu
e meta di conscientisacion y nos ta spera
cu e añanan binidero
e evento lo crece mas
ainda. Un biaha mas
masha danki na un y
tur cu e apoyo pa cu
nos Coastal cleanup y
cu tur otro evento cu
nos a realiza durante
2013.
Aruba ta dushi sin sushi! Reduci, Recicla,
Reusa!