11.09. 2013 Atraco na peaton na Ponton
Pg. 2
Gobierno ta bay corte di casacion
Pg. 4
Copa Mundial na Brasil
Pagina 12
Hulanda su oncena a clasifica pa
Tres dama cu a huy for di Centro pa Hubentud haya den Semeleerstraat
For di diabierna caba tabatin un caso cu tin ocho hobencita cu a huy for di Centro pa Hubentud awor yama Centro Pedogogico cu ta cuida e muchanan. E denuncia aki a keda entrega na autoridad pero nada no a keda haci y ni un informe a keda manda pa Prensa ya cu kier a sconde esaki pero diamars esaki a sali na cla ora e damitanan aki tabata kier a papia cu un Prensa y splica e situacion pero aki un radio emisora a manda esaki den aire y a bira full un noticia di ora den oranan di anochi unda mayornan a cuminsa sali pa busca nan yiunan. Di biaha Polis a cay aden y aki un buskeda a cuminsa haci despues di 5 dia. Polisnan a haya varios tips y e mayornan tambe a subi caya pa busca su yiu y despues di rato den Semeleerstraat a haya informe cu e tres damitanan aki ta scondi. Polisnan a yega di biaha y aki ora e muchanan a wak Polis nan a drenta panico te asta manda baranca riba Polis dal un agente policial. Nan a bira fresco y te asta insulta tur hende y Polis na e sitio. E mama a papia cu e mucha pero a haya un contesta fresco bek di su yiu pa e calme pero Polisnan a bay cu nan di biaha warda. Awor JPZ lo bay cay riba e casi aki pa wak unda e fayo lo ta sinta cu no a haci un anuncio di buskeda for di diabierna 6 di September ora a entrega keho.