E-Vespertino Edicion 10 di September 2013 | Page 6

Diferencia di opinion politico entre dos ruman a caba na bringamento formal

Diadomingo anochi patruyanan a bay cu urgencia pa un cas na Cashero unda tabatin un bringamento formal a sucede y aki dos persona a resulta herida. Polis a haci detencion di un homber cu tabata basta fastioso y cu tambe

tabata meti den e bringamento. Polis a constata cu ta problema di famia pa motibo di color politico y tabatin cosnan destrui na e cas. Departamento Technico tambe a yega na e sitio pa investigacion.

Candela di sushi por poco a bira grandi y brandweer a domina esaki
Diadomingo atardi patras di Ruiz Take Away na Tanki Leendert un candela di mondi a keda pega patras di un cas y brandweer a yega cu urgencia y e bomberonan a drenta accion di biaha. Tabata un pida mondi yena cu sushi a keda cendi y bomberonan a paga esaki y e huma ya no tabata un molester mas.

6

E-Vespertino.com