E-Vespertino Edicion 10 di September 2013 | Page 4

Minister Hooyboer-Winklaar: Ta trahando riba un ley pa regula uzo di decibel

Durante apertura di “Siman di Kibra Silencio”

Minister di Asuntonan Economico, Asuntonan Social y Cultura Michelle Hooyboer-Winklaar tin palabranan di gradicimento pa e damanan di Quota Club Aruba cu ya caba ta demostrando con importante ta e trabao di e fundacionnan pa nos comunidad. E manda-

tario a referi na e trabao di conscientisacion cu Quota Club Aruba ta haci pa loke ta cuido di nos oido. Esaki ta cuadra cu e cartera social cu ta pa enfoca riba e aspecto di prevencion. El a agrega cu e mensahe cu Quota Club ta trece dilanti ta asina importante pasobra kier evita pa tin e problemanan aki di oido cu ta bin for di diferente motibo. Minister Hooyboer-Winklaar tabata invitado special pa asina inaugura e “Siman di kibra Silencio”. El a bisa cu e siman aki ta encera dos aspecto. Un

ta esun di silencio di nos oido, pero tambe e tema pa por habri e combersacionnan eyfo riba esaki tanto pa hobennan pero pa stimula hendenan pa haci nan testnan. Hopi biaha pa motibo di berguensa of tabu e hendenan no kier admiti cu esey ta e momento pa haci e test. Pesey mester traha cu diferente instancia pa asina logra cu mas hende ta capta e mensahe. Cu reflexion aki e mandatario a habri oficialmente e “Siman di kibra Silencio” probechando pa yama danki na Quota Club y FEPO ta tur esfuerso. El

a agrega cu pa varios aña ta luchando pa por trece un supervision y regulacion di e decibel nan cu ta wordo uza y sigur durante actividadnan manera carnaval y ta keda e compromiso pa por sinta y caba e trabao cu mester wordo haci pa cu entrega di e concepto di ley. “Nos ta trahando pa nos yega eynan. Nos ta trahando hunto cu Quota y Departamento di Salud Publico pa por yega na esey. Nos ta spera cu pa carnaval 60 cu nos tin esey na su luga”, Minister Hooyboer-Winklaar a expresa.

4

E-Vespertino.com