E-Vespertino Edicion 10 di September 2013 | Page 10

Glenelize Maldonado y su soño pa Rey Willem Alexander a bishita Cas di Aruba
Den Haag – Cas di Aruba a ricibi bishita di e hobencita Glenelize Maldonado, kende ayera 5 di september, tabata un di e tantisimo invitadonan di honor kendenan a presencia e entrega oficial di e buki “Mijn Droom voor ons Land” na Su Mahestad Rey Willem Alexander na Palacio “Het Loo” na Apeldoorn. Glenelize a ricibi un invitacion special, pasobra ela entrega ‘un soño’ pa e buki y su soño a keda escohi entre e 6500 soñonan pa sali publica den e buki. Na Cas di Aruba Glenelize den compania di su tanta, srta. Celina Oduber, a keda calurosamente ricibi pa Minister Plenipotenciario sr. Edwin Abath, su esposa sra. Dynia Abath-Muller y direcGlenelize su soño ta contene un peticion pa tene un “gekkebekkenwedstrijd”, esta un competencia di esnan cu por trek e cara mas pret. Sr. Abath a felicita Glenelize cu e logro aki y cu E por a biba e momento unico ayera na Apeldoorn. Tambe e mandatario a encurasha Glenelize pa haci tur posibel pa su soño bira realidad y cuminsa acerca personanan pa pone e cara mas pret y lo ta leuk si por pone tur e resultadonan ariba un website special. Pa duna accion na su palabranan sr. Abath a invita Glenelize pa traha un cara chistoso y a saca un potret di esaki hunto cun’e. Director di ATA Europa sr. Tirso Tromp a demostra tambe cu e por pone un cara pret. Nos ta convenci cu e accion aki ta bai haya hopi siguidor. Banda di e soño di Glenelize, e buki ta conta tambe cu un contribucion di dos Arubiano mas, esta Sr. Greg Peterson y Sra. Ingrid Werleman. Asina aki Aruba y su hendenan atrobe tabata representa den gran forma aki na Hulanda. tor di ATA Europa sr. Tirso Tromp.

10

E-Vespertino.com