E-Vespertino Edicion 10 di December 2013 | Page 12

19 hoben a pasa e prome fase di e trayecto di 4 luna cu exito Den presencia di diferente miembro di Gabinete Mike Eman II a tuma luga entrega di certificado di e prome trayecto di Formacion Social di un grupo di 19 hoben cu ta participando den e curso aki cu ta tuma luga na Marinierskazerne. Formacion Social ta un proyecto cu a cuminsa bou Gabinete Mike Eman I den cooperacion cu Marinierskazerne. Esaki tabata e di 4 grupo di hoben di e proyecto Formacion Social cu a start cu e prome fase di nan trayecto na augustus ultimo. E proyecto aki ta consisti di dos fase di cual e prome parti ta e aspectonan militar cu ta dura 4 luna, mientras cu e parti di ofishi, siña algo cu nan por pone den practica, ta dura 8 luna. Mita siman nan tin cu bay scol y e resto di e siman nan 12 E-Vespertino.com ta core stage. Esaki ta bay den cooperacion cu Enseñansa pa Empleo. Den e fase aki tambe e hobennan ta haya hopi guia di e lider di e proyecto SVT, Sra. Jessy Ras, motivando nan pa sigui cu e lucha pa finalisa e curso. E proyecto aki ta uno popular bou di hobennan y cada biaha cu un inscripcion habri, ta haya mas cu 50 hoben interesa. Ta haci un pre-seleccion cu ta yega rond di 35. E grupo aki mester pasa den diferente test pa mira si nan ta cuadra cu e exigencianan pa participa, entre otro evaluacion medico. E grupo 4 ta esun cu mas tanto hoben a keda y finalisa e prome fase. E di 5 grupo di Formacion Social ta cuminsa na luna di januari y inscripcion pa esaki a cuminsa na luna di october caba. Tin incluso hobennan cu no a haya chens den e grupo 4, cu a wordo manda pa e di cinco grupo aki. E profesionalnan encarga cu ehecucion di e proyecto Formacion Social ta hopi contento pa motibo cu ta prome biaha cu un grupo asina grandi, 19 hoben, ta pasa pa e siguiente fase cu exito. E ley Formacion Social ta pa hobennan entre 18 pa 24 aña cu no tin trabou y cu no a caba un scol secundario. Cu e proyecto aki nan ta haya un di dos chens den bida. Un trayecto unico ta wordo ofrece pa nan por drenta mercado laboral y bira miembronan util den comunidad. Pa esaki e hobennan ta haya un formacion fisico estilo militar den MariniersKazerne pa despues sigui un curso cu ta wordo duna dor di Enseñansa pa Empleo. E formacion ta dura un aña y ta consisti di dos parti, un parti di training y un parti di educacion.