Tres eleccion consecutivo
votegetter mas grandi
di Aruba
Mike Eman,
lider di AVP
ORANJESTAD- E no por ta
un sorpresa pa ningun hende cu lider di AVP Mike Eman
un bes mas a bira e votegetter mas grandi di eleccion 2013. Pa di tres eleccion
consecutivo Mike Eman ta
laga tur otro candidato na
un bon distancia tras di dje.
Na aña 2005 Mike Eman a
logra un cantidad di 6188
voto riba su nomber.
Na 2009 e cantidad aki a
yega 8068 cu ta algo inmenso y e aña aki el a logra
mantene e votonan aki y
subi te na 8222 voto. Un
cantidad grandi di hende a
deposita nan confiansa den
e Prome Minister di Aruba cu
durante 4 aña largo a traha
incansablemente pa pueblo
y pais. El a bishita un cantidad grandi di bario tur rond
Aruba y a scucha loke pueblo tabatin di bis’e. Unda cu e
tabata por el a yuda mesora
y si no tabata por mesora,
e ayudo a bin despues. Sea
den mehoracion di e bario,
4
E-Vespertino.com
den iluminacion, crea facilidadnan deportivo y recreativo, renoba e casnan y
asina por sigui. Tur hende
por a nota cu Prome Minister Mike Eman ta un hende
di tur hende.
Su interes y preocupacion
pa nan ta real. Su curason
bondadoso ta bati pa su
pueblo y si e por saca su
curason duna nan e, e ta
haci’e. Esaki a keda proba
un cantidad di biaha, ora
cu e tabata cana den bario
y tabata extende su man
pa brinda ayudo. Banda di
esaki el a crea e proyecto
exitoso pa hobennan sin
trabou y sin diploma ‘Formacion Social’, mescos a
drecha relacion cu Reino.
Plataforma Dialogo Social
no ta algo tangibel, pero
por wordo considera un di
su exitonan di mas grandi.
E logronan di Mike Eman
ta hopi y impactante. Ta
p’esey cu e comunidad aki a
recompense pa su bon trabou. Nan a dun’e nan voto
di confiansa pa e sigui traha
cu e mes un ardor y pasion
di semper. Coriendo den
parada ayera por a mira caranan sonriente, hendenan
saludando y brasando Mike