Documentos aprobados pola Asemblea Constituínte de Estudantes sen Futuro. Asemblea Constituínte ESF | Página 31

Asemblea Constituínte de Estudantes Sen Futuro
"Tecendo na unidade o movemento estudantil"
Artigo 27. Convocatorias.
A Coordinadora Nacional reúnese unha vez ó mes convocada pola responsable nacional
correspondente tendo que ser esta convocatoria enviada xunto con toda a
documentación a debate na reunión cunha antelación de 5 días.
Artigo 28. Composición.
Os representantes elixidos polas Asembleas Xerais de cada comarca pasarán formar parte
da Coordinadora Nacional. En caso de non poder asistir a unha xuntanza da coordinadora
algunha responsable comarcal, poderase elixir a unha persoa para que a substitúa. Das
decisións tomadas pola Coordinadora Nacional serán responsables todas as súas
integrantes nomeadamente as compañeiras que ostenten algunha responsabilidade.
As responsabilidades individuais dentro da Coordinadora Nacional estarán recollidas nas
Teses Organizativas.

Sección VII: Das Comisións de Traballo
Artigo 29. Definición.
Poderán ser constituídas por acordo da Asemblea Nacional ou a Coordinadora
Nacional comisións de traballo que terán como obxectivo desenvolver unha
determinada tarefa repartindo os esforzos derivados desta entre todas as
estruturas de Estudantes sen Futuro.

31