392
landboudienste en -tegnologie
Biotegnologie en plantteling
Biotegnologie wat op diere betrekking het, veral kloning, word behandel in die
hoofstuk oor Diereverbetering en Telers wat later in die boek volg.
1. Oorsig
“Biotegnologie” is ’n samesmelting van “biologiese tegnologie”. Alhoewel dit
onder sekere mense as sinoniem vir genetiese modifikasie beskou word, is
dit ’n term wat gebruik word om ’n kontinuum van verskillende biotegnieke
te verteenwoordig wat wissel van niekontroversiële weefselkweking
tot kontroversiële genetiese modifisering, soos vervat in “moderne
tegnologie”.
Dit is geïdentifiseer as die toonaangewende tegnologie van die 21ste eeu
met geweldige potensiaal om ekonomiese, sosiale en omgewingskwessies
wat die armes in ontwikkelende lande raak, te hanteer. Biotegnologie kan
oesopbrengste verhoog, blootstelling van gewasse aan omgewings- en
klimaatstressors verlaag, die behoefte aan chemikalieë wat op landerye
aangewend word, verlaag, en die gesondheid en smaak van voedsel
verbeter.
Kritici sê dat hierdie gewasse bestaande plante onomkeerbaar kan beskadig,
skade aan die natuurlewe kan berokken en dat die patente op geneties
gemanipuleerde sade die multinasionale maatskappye te veel mag gee. ’n
Besoek aan die webtuiste wat in hierdie hoofstuk genoem word, sal aan die
leser verskillende perspektiewe verskaf.
Potensiële voordele
• hoër gewasoprengste
• hoër inkomstes
• minder gebruik van chemikalieë
(plaagdoders, onkruiddoders)
met laer besteding aan insette
• minder giftige onkruiddoderafloop na oppervlaken grondwater
• boere is minder blootgestel
aan chemikalieë, en dus meer
gesond
• beheer oor abiotiese faktor
• hoër voedingswaarde van
voedsel
• minder verliese voor en ná
oestyd
• langer raklewe
• minimale ontginning van
woude, graslan KX\