278
• Grootmaathouers word gebruik, maar net vir produkte wat versap
word.
• Rekenarisering (strepieskodering) maak dit vir die produsent of die
koper moontlik om enige pallet, grootmaathouer of kardoes van die
plaas af tot in die supermark regdeur die leweringsketting na te spoor.
Vir hoëwaardeprodukte word radiofrekwensie-identifikasieskyfies
(RFID of Radio Frequency Identification Discs) al hoe meer gebruik om
bedrog teen te werk en voorraad te beheer.
• Sommige van die herverpakking word om twee redes oorsee gedoen:
1) om die gehalte van die vrugte wat ontvang is na te gaan en 2) om
vinniger op die markvraag te reageer.
insette
Verpakking
1. Oorsig
• “Verpakking” sluit buigsame en onbuigsame plastiekhouers,
kartonhouers, plastiekgrootmaatdromme, mandjies en kissies vir
vrugte en groente, sakkiemasjiene, blikplaatemmers en blikkies en
ander metaalhouers, poliskuim, polistireen, asook toerusting vir die
vakuumverpakking van vleis, vis, kaas, fyngebak, pasta, vrugte en
poeiers in.
• Verpakking het al ver ontwikkel van die ou konsep van ’n kardoes – so
goedkoop moontlik – waarin ’n mens produkte van die plaas af winkel
toe neem.
• Voor die verbruiker ’n koopbesluit neem, moet verpakking aan ’n
aantal basiese kriteria voldoen, byvoorbeeld, beskerming van die
produk en die verbruiker, voorsiening van inligting vir die maak van
ingeligte keuses, funksionele ontwerp en waarde vir geld.
• Met die bemarking van ’n produk is ’n fundamentele vereiste dat die
produk in ’n puik toestand by sy bestemming moet aankom. Verpakking
wat sterkte (veral by opstapeling), korrekte ventilering, en algehele
beskerming bied en wat sagkens op die produk is, is noodsaaklik.
• Die rol van verpakking in die bemarking van varsprodukte sal duidelik
sigbaar wees as ’n mens oor die vloer van enige varsproduktemark
stap. Niks vertoon beter as ’n netjies opgestapelde ry palette met ’n
aantreklike, handelsmerkproduk van gehalte wat te koop aangebied
word nie. (Die kontras is bruin, onaantreklike kardoese, dikwels ingeduik
en stukkend, wat minderwaardige gehalte vir die goedkooplynkoper
aanbied.)
• Indien u ook by etikettering betrokke is, moet u bewus wees dat
nuwe etiketteringswetgewing van Maart 2012 van krag is, wat
die gebruik van terme soos “vrylopend”, “organies”, ensovoorts,
reguleer. Die wetgewing spruit voort uit die Departement van
Gesondheid se regulasie betreffende die etikettering van advertering
van voedingsmiddels (regulasie R146/2010). Die omskrywing en
toepassing van hierdie protokols sal egter die verantwoordelikheid
van die Department van Landbou, Bosbou en Visserye (DLBV) wees.
Tesame met die Verbruikers-beskermingswet (CPA), beteken dit
dat die etikettering van produkte meer oorweging, akkuraatheid en
omsigtigheid as in die verlede sal vereis.
Bron: Verpakkingsraad van Suid-Afrika
3. Hersikleerbare en biodegradeerbare
verpakking
Die volgende kieslysopsies op die Verpakkingsraad van Suid-Afrika (PACSA)
webtuiste – www.pacsa.co.za – is van belang vir die leser:
• The Recovery Action Group (RAG)
• Packaging and the environment
• Packaging recycling in SA
• Waste Management Plan
Vind die “Plastics & the environment” opsie by www.plasticsinfo.co.za
4. Belanghebbendes
Verenigings wat betrokke is
Verpakkingsraad van SuidAfrika
Packaging Council of South Africa
(PACSA)
Tel: 011 463 9909
www.pacsa.co.za
Bron: Verpakkingsraad van Suid-Afrika (aangepas), Farmer’s Weekly 8 April 2011
bladsy 42
“Dikwels sien kleiner boere, wat ver van die mark af is, nie dat ander
boere beter pryse vir produkte van dieselfde gehalte, w