CÜREGİNGDE ASIRA MENİ
Seni ol miyik tavlarıngda tuvmadım men , İçmedim Koban suvlarıngdan . Adam körmegen cerine bolur mu tansık ? Men tansıkma tuvğanlı sanga , Kaytmaz colğa ketgen atama tansık bolğança .
Sürülmedim curtumdan men , urulmadım Kuvulmadım elimden men tutulmadım Ayrılmadım anamdan üzülmedim a , ya Men nek cılayma eşitsem , köçkünçü cırlağa ? Cüregimden üzülüp tamırla kophança .
Ürenmedim men elif-ba bla Arabça okurğa Kaydan a bileyim tav tilni Kirille cazarğa Bildim , başha tilde cazılmaydı sanga iynarla Men cılayma üç tilde sözümü anglamağan Şam ' da tuvup ösgen karnaşım Koçhar ' ğa .
Ne ata curtumdama men , ne tuvğan elimde Oy , caşayma köp türlü milletleni içinde İspança , Kıtayça , İngilizça / -ala söleşelle har tilde , Okuğanma , alay a köb cazğanma Türk tilde Birini da ızı kalmaydı ana tilimça cüregimde .
Tamırım sendedi meni , kayda tuvsam össem de Ata curtumsa sen , üzülüp senden uzakga ketsem de Caprağınma men seni , kurutmay ösdürgenme içimde Kölümü tereninde sanga atamça küygenme Cüregingde asıra meni , senden uzakda ölsem de . 2014 / usa
5