Maitasuna (3)
ORAIN NIRE TXANDA DA
Berrogeita hamar urte izan dira, baina oraindik primeran gogoratzen dut.
Apetaz beterik begiratzen ditut ohe azpiko hautsez beteriko kutxa barruan aurkitzen
diren paperak. Nahiko orri zaharrak dira, pixka bat horixka den paper zaharra.
Hotzikarak sentitzen ditut begiratzen dudan bakoitzean: luma finez orrialdearen
gainean margolan bat balitz bezala azaltzen zaidan artelan itzela. Berak bakarrik egiten
zituen ñabardura horiek, ezinezkoa zen konfunditzea. Ezin dezaket ekidin bista atzera
eramatea, mende erdi bat atzera.
Dena hasi zen ikasturteko azken asteetan. Ekaina zen, hilabete berezi bat, baina
une hartan are bereziago. Hamasei urte nituen eta institutua bukatzeko irrikaz
nengoen. Udan zehar iku