Vuli 1:
NA VOSA NI KALOU KEI IKO
Lesoni: 2 Timoci 3:16-17
“Sai koya na Kalou sa vakavuna nai Vola Tabu kecega a
sa yaga oqo mei vakavuvuli, me vunauca na ca, me ia kina
na vakadodonutaki, me ia kina na vakatavuvuli ena ka e
dodonu: me yaco kina na tamata ni Kalou me vakarau tu, ni
sa vakarautaki ki nai valavala vinaka kecega”
Nai Vola Tabu sai koya na vosa volai ni Kalou. Ena so na gauna
e dau vakatokai oqo me ‘logos.’ Na vosa Vakiriki oqo, ka dau
vakadewataki vakawasoma me ‘vosa,’ e kenai balebale “na nonai
tukutuku taucoko na Kalou ka sega tale ni dua na ka e vo.” Nai
vakaraitaki vinaka duadua ni vosa oqo na ‘logos’ sai koya nai
Vola Tabu, se na “na nonai tukutuku taucoko na Kalou ka sega
tale ni dua na ka e vo” sa solia vei keda ena dua nai vola.
E ka bibi kina vei keda na tamata vakabauta meda dau vakanananu
e nai Vola Tabu, baleta eda vakatara na Kalou me vosa vei keda
mai na nona vosa ka solia na bula ki na yaloda (Luke 24:32). E
kaya talega nai Vola Tabu meda tugana na nona vosa ena lomada
meda kakua kina ni cala vua na Kalou (Same 119:11).
Ena 2 Timoci 3:16-17, eda raica kina na vosa, “sa vakavuna” na
Kalou nai Vola Tabu kecega.” E kenai balebale oqo ni Vola Tabu
taucoko mai nai Vakatekivu ki nai Vakatakila e vakavuna se
ceguva na Kalou ena nonai cegu ni bula.
Oqo e dua na tikina bibi me kila na tamata vakabauta. Nai vakarau
ni yalomu se nomu rai me baleta nai Vola Tabu, na vosa volai
ni Kalou, ei vakaraitaki ni vakarau ni yalomu kei nai vakarau ni
nomu raica na Kalou vakataki koya. Ena sega ni rawa ni da kaya
ni da lomana na Kalou, ka da qai sega ni lomana nai Vola Tabu,
na Vosa ni Kalou.
Kevaka e “nona i tukutuku taucoko na Kalou ka sega tale ni dua
na ka e vo,” nai Vola Tabu, e kenai balebale kevaka eda sega ni
kauwaitaka nai Vola Tabu, eda sega talega ni kauwaitaka na Kalou
vakataki koya. Na kenai karua, na “nona i tukutuku taucoko na
Kalou ka sega tale ni dua na ka e vo,” e ceguvi mai vua na Kalou
ka kenai balebale e tiko sara ga kina na bula Vakalou. Kevaka
eda vakanadakuya nai Vola Tabu, eda sa vakanadakuya sara
tikoga na bula Vakalou eda gadreva meda bula kina. E rawarawa
3