EUSKARAREN ORRIA enero de 2019 | berberana | 21
Laguardiako “Pepita Uva”, “Amelibia Jatetxea” eta
“M 35”k “Araban Bai” kanpainari, bai! esan diote
AENKOMER, Arabako Merkataritza eta
Zerbitzuen Enpresarien elkarteak, azaroan
zehar “Araban Bai” kanpaina jarri
zuen martxan. Ekimenak, egunerokoan
ostalaritza eta merkataritza arloetan lan
egiten duten profesionalen euskararekiko
konpromezua eskatzen zuen. Honela,
kanpainari bai! esan dioten establezimenduek
euskara erabiltzeko hitza eman
dute, era honetan merkataritza eta hostalaritzan
ere gure hizkuntzaren presentzia
bermatuz.
Laguardian, hiru izan dira kanpainari
baiezkoa eman dioten merkatariak. “Pepita
Uva”ardoaren turismo zerbitzuak,
“Amelibia Jatetxea” eta “M 35” moda
denda. Hirurak, euren egunerokotasunean
euskara ezartzen jarraitzeko prest azaldu
dira.
Arabar Errioxa Irratian izan genuen
“Pepita Uva”ko langilea den, Idoia Villar.
Bere beharrean gure hizkuntzaren erabilera
nola moldatzen duten kontatuz. Bere
enpresaren alde esanguratsuena bisita gidatuena
dela kontutan izaki, Idoiak Euskal
Herri osotik, “gehien bat Gipuzkoa eta
Bizkaiatik” etortzen diren bisitariekin,
ibilbide turistikoko komentario eta azalpen
guztiak euskara hutsean egiten dituela
esan zigun. “Gogoan dut euskara hutsean
egin nuen lehen bisita gidatua. Urkullutik
etorri zen 50 emakumeek osatutako taldea
zen eta egia esan benetan aberasgarria
gertatu zen, asko lagunduz aparte, txaloka
amaitu zutelako” dio Idoiak.
Beraz, euskaraz dakigunok, lehen
hitza euskaraz egin ezkero, erantzuna ere
euskaraz jasoko dugula esan genezake,
Laguardiako “Pepita Uva”, “Amelibia Jatetxea”
eta “M35”n.
CALENDARIO
Un hogar, un calendario
Pasa por tu Ayuntamiento y recógelo
Las fotos proceden del concurso promovido
por la Cuadrilla de Laguardia-Rioja Alavesa
EGUTEGIA
Etxe bat, egutegi bat
Zure Udaletxean jaso dezakezu
Argazkiak, Guardia Arabako Errioxako Kuadrillak
antolatutako lehiaketara aurkeztutakoak dira