KONGRE BİLDİRİLERİ
sâncak beği hâsların tasarruf eyleyenlerinden ve zu‘amâ ve erbâb-ı tımar ve ashâb-ı evkâf ve emlâk
ve mu‘af ve müsellem olan eşhâsın ellerinde olan berâtların ve sûret-i defterlerin ve temessüklerin
getürüb emînlerine teslim eyleyeler. Ve üçer yıllık ispenç veya çift resmin veren re‘âyânın mufassal ve
meşrûh esâmîsiyle sâir mahsûlâtının defterlerin getürüb emînlerine vereler.
3. Andan sonra emînlerin teftişe başlayub yerlü yerinden tekrar tefahhus eyleyeler. Fi’l-cümle e‘âlîden
ve edânîden benim ünvân-ı şerifimle mu‘anven berat-ı hümâyûnumla tımara ve evkâfa ve emlâke
mutasarrıf olanlar, ben hâsıl tasarruf eylemedim, şimdi geldim veyahud üç yıllık hâsıl almadım,
derlerse, amel eylemeyüb re‘âyâsı ittifâkıyle üç yıllık hâsılı tamam künhü ve hakikatı ile ma‘lûm
edinüb bir mufassal defter eyleyüb elbette elbette emînlerime teslim eyleyeler.
4. Ve emînlerim dahi bundan verilen mufassal defteri huzurlarında ihzâr eyleyeler. Dahi erbâb-ı tımar
ve evkâf ve emlâk ashâbı verdüği hâsıl defteriyle tatbîk edüb ve re‘âyây-ı dahi kemâl-i dikkat ve
ihtimâm üzre teftiş eyleyüb mutâbık ve muvâfık buldukların veya hîn-i teftişde ve tefahhusda zâhir
ve revşen olan mahsûlâtın her nev‘inin üçer yıllığın bir yere cem‘ eyleyüb dahi üçe bölüb bir bölüğün
defterlerine kayd eyleyeler; ammâ kıymetlerin ta‘yin eylemeyeler.
5. Ve her köye cümle yazmayalar. Hemân her birinin hâsılı ma‘lûm olunub bunda gelecek narhları
husûsı benüm izz-i huzûr-ı adâlet-mevfûruma arz olundukda anun üzerine nice bahâ ta‘yîn edersem
zeylinde kayd olunub her tımarın mikdârı ma‘lûm oluna ve cümlesi bağlana.
6. Ve sipahîler ra‘iyyetlerin yazduklarında, emr-i celîlü’l-kadrim bunun üzerinedir ki, yazdurur
olduklarında re‘âyâları külliyen eminim huzûruna hâzır eyleyeler. Ve ra‘iyyetleri oğulların dahi
yazduklarında büyüceklerin gösterüb küçüklerinin ismin yazdurmayalar. Ol bâbda sipahiler ve
subaşılar, gereği gibi ihtimâm eyleyüb mukayyed olalar. Şöyle ki sonradan emr-i şerifime muhâlif bir
kimesne gelüb benim küçük oğlum yazdurdılar, fılânın büyük oğlu vardı, yazmadılar deyü şikâyet ve
i‘lâm eyleye, defter bozulmaz, defter ile amel olunur. Feemmâ ol yazduran sipahinin tımarı ve hâsılı
alınub gereği gibi mu‘âteb vaki