Pasians
Mo santi to lazwa
Kan to pe kont 1, 2, 3..
4, 5, 6...
Mo pa konpran
To lame drwat ti pe al lor tan
To lame gos ti pe al zis
Peze, large
Peze, large
Explik mwa to trik
Mo fek koumans lamizik
Explik mwa ki fer
"Mo garson li enn ritm
To santi li dan sak bout to bann fib
Dan sak batman to leker"
Ki fer to zwe li koum sa
Monn seye mwa
Li pa sonn parey
"Sa se mo kouler
Monn pratike ziska li tous mo leker
Inn pran mwa boukou letan"
Me per, larg mwa lakle-la
Monn anvi fer rezonn son-la
Monn anvi giny li
"Pasians zenn zan
Zafer-la vinn avek letan
Napa galoupe
Zafer-la pou vini ek to mem pa pou kone
To pou ferm to lizie
To pou aret reflesi
To pou viv moman-la
To pou fer enn ek linstriman-la
Ek Zot pou vibre"
14
www.AudationMagazine.com