10
ger h
r
u
b
c
s
h
i
c
s
b
Aug - S chwä
Kolumne
City
Von Fritzi Hundekuchen
Immr widdr musch di ärgara ibr d Schdadt.
Abr in dera leddschn Kolummne hab i mi o a so
gärgrd ibr dia debbadn Fuaßweg mid dem debbadn
Kalkschblidd, dass mi gladd dr Dreggfuhlrdeifl
drwischd hädd, und dass i a baar Mol nedd
Kalkschblidd gschriaba hab, den wo s ja immr
widdr dia Fuaßgängr vor d Fiaß gschidded hamm,
na, da hab i dann Kaldschblidd gschriaba, was ja
abr dann doch widdr nedd a so falsch gwesa isch,
weil auf dia Kalkschbliddweg a jede Bfidz a so
hindrhäldig gfriard, dass di schee hihaua kennd,
gell, und dann isch des ja scho a Kaldschblidd,
wo si d Schdadt des ja nia dengd hädd.
Abr geschdrn war i o omol widdr am Lech,und
i hab gar ned higschaud zu dia Bänkle am
Hochablass, dia wo s gar nimmi gibd, mei, s isch
ja jedds o ungmiadlich im Fernsäha, woisch,
in dera Sendung „aschbeggde“, wo d Leid im
Schdudio o koi Lehne nedd griaga, nach dem
Moddo: „unbequem sitzen bei aspekte“, dia
kenna oim ja wirglich leid dun.
I bin dann glei nundr auf dia Kiasbank undr m
Hochablass, wo glei n ganz gudn Bligg hasch,
weil s da ja alle Baim weg ham, dass dr Bibr nix
mehr griggd, der soll dia scheenere große Baim
am Ufr afressa, weil Baim am Lech, des gehd
oimbfach nimmi, des isch wia an der Werdach,
wo s scho renaddurierd isch, da brauchd s
koine Baim mehr, dia kenndn ja umfalla und dia
Immobilia von dera Nähfadnfabbrigg wegreißa,
gell, und i woiß no gar nedd, welche grässliche
Neubaudn der Lech auf m Kiggr hädd, abr des
wissn dia scho von dr Schdadt. Und dann isch
des o ginschdig, dass koine Baim mehr auf dr
Kiasbank sinn, dann gibd s koin Schaddn, und
d Leid missn si in d naggade Sonn flaggn, und
dann griagn s mehr Sonnabrand, und dann gehn
s in dia Abodeegn rings rum und da machn s
dann n Umsatz, und d Schdadt griagd a Schdeier,
und dann kennen s widdr mehr Lechr am
Bahhof aufreißa, weil des isch dia MobbilidädsDrehscheibe, und a so hängd des alles
middanandr zamm, des hamm dia alles im Griff.
Ja, da kasch di bloß wundera, was-es si immr
wirddr Bleeds ausdenga bei dr Schdadt.
A S O ! Februar 2015
Am 12. Februa