Arxangelo ԻՄ ԿՈՐՑՐԱԾ ՏՈՂԵՐԸ | Page 32

Արամ Հակոբյան
___

ԻՄ ԿՈՐՑՐԱԾ ՏՈՂԵՐԸ

______________________________________________________

Էքսպրոմտ. այդպիսին եմ ես
Սիրել եմ, բայց չեմ սիրվել երբեք,
Ապրել եմ ուզել, բայց չեմ կարողացել:
Փորձել եմ լինել բարի, հանդուրժող,
Բայց բոլորի աչքի փուշն եմ ես դարձել:
Բոլորին փորձել եմ օգտակար լինել,
Սակայն պատասխան օգտակարություն ես չեմ ստացել:
Լավությունս վատությունով է փոխհատուցվել,
Հարգանքս արհամարանքի է արժանացել,
Իսկ բարի խոսքս միշտ է անտեսվել:
Սակայն չկարծե՛ք, ես չեմ չարացել,
Սիրել եմ ու դեռ երկար կսիրեմ,
Միշտ բարին եմ ցանկացել, այդպես էլ կշարունակեմ…
Ու թող բոլորը կարծեն, թե խենթ եմ,
Այդպես ծնվել եմ, այդպես կմեռնեմ:

Aram Hakobyan (Arxangelo), Poems. © All Rights Reserved, 2012

32