D. Koom Kev Kawm Txog Kev Dhia Ua Si mus rau hauv Chav Kawm
1. Xav kom cov kws qhia ntawv hauv chav kawm tsim ib co sij hawm los siv lub cev ua si uas yuav muab tso koom ua ke tau nrog cov kev kawm hauv chav thiab txhawb kom muab kev soj luv uas siv lub cev ua si hauv chav kawm.
2. Xav kom cov neeg ua hauj lwm ua ib tug qauv zoo txog kev siv lub cev ua si.
3. Xav kom cov neeg ua hauj lwm nrhiav ib co kev tshiab los txhawb kev siv lub cev ua si ua ntej pib kawm ntawv, thaum lub sij hawm kawm ntawv thiab tom qab lawb ntawv.
E. Txhawb Lub Neej Nyob Muaj Kev Noj Qab Haus Huv
1. Txoj kev kawm txog kev noj qab haus huv hauv chav kawm yuav ua tiav nrog kev qhia txog kev siv lub cev dhia ua si los tawm kev txhawb txoj kev paub thiab cov txuj ci tswj tus kheej uas yuav tsum tau muaj kom thiaj li muaj ib lub neej uas si lub cev ua si tas li thiab los txo lub sij hawm uas siv los ua tej yam uas zaum twj ywm xws li saib tv.
2. Cheeb tsam Tuam Tsev Xyuas Txog Tsheb Thauj Mus Los( Transportation Department), nrog kev pab los ntawm Cov Kev Ruaj Ntseg mus rau tom Tsev Kawm Ntawv( Safe Routes to School), yuav ua hauj lwm nrog cov tsev kawm ntawv los txhawb cov kev taug kev uas ruaj ntseg thiab kev caij tsheb kauj vab rau cov me nyuam uas tsis tsim nyog caij npav.
F. Cov Paj Tshab thiab Kev Rau Txim
1. Kev siv lub cev dhia ua si mas yog ib qho tseem ceeb, li no, cov neeg ua hauj lwm yuav siv kev txiav txim uas tsim nyog ua ntej siv ua cov kev ua si uas siv lub cev los sis siv kev tsis pub ua si los ua ib qho kev rau txim.“ Piv txwv li: tag nrho cov tub ntxhais kawm ntawv yuav tsum koom rau hauv ib cov kev siv lub cev dhia ua si uas teem tseg, tiam tsis yog tias ib tug tub txhais kawm ntawv pheej tsis mloog lus thaum lub sij hawm tawm mus ua si los sis hauv chav qhia siv lub cev dhia ua si, tus kws qhia ntawv yuav txwv tus tub ntxhais kawm ntawv ntawd txoj kev koom tes rau hauv kom thiaj li tswj tau nws tus xeeb ceem.”
2. Yuav tsis siv khoom noj los ua ib qho phaj tshab los sis rau txim. Xav kom cov kws qhia ntawv muab lwm cov khoom uas tsis yog khoom noj los ua cov phaj tshab hauv chav kawm. Yuav tsis rov nyiaj rau cov neeg ua hauj lwm uas yuav khaub noom, dej qab zib, thiab lwm cov phaj tshab uas yog khoom noj pib xyoos kawm ntawv 2009 / 2010 mus. Cov tuav txoj dej num hauv chaw tej zaum yuav pub yuav cov khoom noj los sis cov khoom noj txom ncauj rau cov hnub xeem ntawv raws cov kev tshawb fawb thiab cov kev siv zoo tshaj uas xav kom ua. Raws li hauv Americans with Disabilities Act( Tsab Cai Rau Cov Neeg Mis Kas uas Muaj Kev Tsis Taus), yuav muab ib qho kev txiav txim tshwj xeeb rau cov neeg uas muaj ib qho Individual Evaluation Plan( Kev Kawm Ntawv Tus Kheej) los sis cov kev pab hauv 504.
VI. KEV SAIB XYUAS THIAB KEV SAIB TSAB CAI DUA
A. Tus thawj tswj cheeb tsam tsev kawm ntawv los sis tus neeg uas nws xaiv los sawv cev yuav xyuas tias ua raws li Tsab Cai Txog Kev Noj Qab Nyob Zoo no los ntawm Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg. Nyob rau theem hauv tsev kawm ntawv, tus tswj fwv tsev kawm ntawv los sis tus neeg uas nws xaiv los sawv cev yuav xyuas tias ua raws li Tsab Cai Txog Kev Noj Qab Nyob Zoo no thiab qhia txog lub tsev kawm ntawv txoj kev ua raws mus rau Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg. Tus thawj tswj cheeb tsam tsev kawm ntawv yuav nthuav txoj dej num ntawm txhua lub tsev kawm ntawv Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg los pab hauv txoj kev siv qhov yuav tsum tau tau qhia thiab saib xyuas hauv tsab cai no.
B.
C.
D.
Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg yuav muaj txoj dej num los xyuas cov lus qhia los ntawm cov tsev kawm ntawv thiab cov ceg kawm ntawv kom dhia sib haum ua ke, los khaws cov data thiab qhia mus rau tus thawj tswj tsev kawm ntawv hais txog kev ua raws tsab cai no. Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg yuav tsim ib co kev los saib xyuas qhov uas tshwm sim los ntawm tsab cai thiab los ntsuas cov kev ua raws thoob plaws hauv cheeb tsam. Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg yuav saib dua lub hom phiaj txhua xyoo thiab yuav qhia txog cov uas xav kom hloov mus rau tus thawj tswj cheeb tsam tsev kawm ntawv thaum uas tsim nyog.
Kev saib dua tsab cai thiab soj ntsuam cov khoom mas yuav rov ua dua txhua peb xyoos twg los pab tswj kev ua raws, los soj ntsuam seb ua tau zoo npaum cas lawm thiab los xyuas seb qhov twg yog qhov uas yuav tsum tau txhim kho ntxiv. Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg yuav kho Tsab Cai Txog Kev Noj Qab Nyob Zoo thiab tsim cov hom phiaj ua hauj lwm los pab hauv lawv txoj kev siv raws li tsim nyog.
Tus thawj tswj cheeb tsam tsev kawm ntawv los sis tus neeg uas nws xaiv los sawv cev yuav sau ib daim ntawv sua lus qhia txhua peb xyoos twg txog cov kev ua raws li Tsab Cai Txog Kev Noj Qab Nyob Zoo thoob plaws hauv cheeb tsam raws cov tswv yim los ntawm Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg. Daim ntawv qhia yuav soj ntsuam txoj kev siv tsab cai nrog rau seb cov tsev kawm ntawv ua raws tsab cai txog twg thiab yuav piav qhia seb ua tau zoo npaum li cas hauv kev mus kom cuag hom phiaj hauv tsab cai no. Yuav muab daim ntawv qhia rau Pawg Tswj Tsev Kawm Ntawv thiab yais tawm rau cov pab pawg raws li Pawg Tswj Tsev Kawm Ntawv taw qhia. Yuav muab daim ntawv qhia rau pej xeem saib thaum uas pawg tswj tau pom zoo rau lawm.
2016-17 Tsev Kawm Ntawv Phau Ntawv Handbook 59