Cov cua zoo nyob sab hauv tsev
Los ntawm Anoka-Hennepin Cheeb Tsam Tsev Kawm Ntawv qhov chaw xyuas txog lub tuam tsev thiab thaj chaw ib puag ncig:
• Tsis pub muaj aub, miv, nas, luav, cov nab qa dev, noog, cov tsiaj txawv txawv los sis lwm cov tsiaj yug hauv tsev( yuav pub muaj cov tsiaj uas siv rau hauv tus txheej txheem qhia txog kev Kawm Txog Txhua Yam Nyob Hauv Lub Ntiaj Teb uas tau kev pom zoo yog tias ua raws li tsab cai txog Cov Cua Zoo Nyob Sab Hauv Tsev). Tej zaum yuav muaj kev siv tau lwm cov tsiaj yog thov kom muaj kev zam rau cov cai los ntawm tus neeg saib xyuas txog cov cua zoo nyob sab hauv tsev.
• Txo cov kev khaws khoom noj cia rau hauv cov chav kawm thiab chav fai kom tsawg. Yog tias yuav khaws khoom noj cia rau hauv cov chaw no, yuav tsum tau muab ntim rau hauv ib lub tais muaj hau kaw kom khov.
• Txo kev noj khoom hauv cov chav kawm thiab chav fai. Yog hais tias yuav noj khoom, ces yuav tau ua raws li cov kauj ruam nram qab no: 1) Tu cov khoom nchuav thiab / los sis qhia rau tus neeg tu vaj tse paub tam sim ntawd; 2) Muab cov khoom noj pov tseg rau hauv lub thoob khib nyiab uas muaj hnab looj rau; thiab 3) Tus neeg tu vaj tse muab cov khib nyiab pov tseg li ntawm ib lub sij hawm
12 teev twg.
• Txo cov kev yug nroj tsuag hauv cov chav kawm thiab chav fai. Tsis pub txawb cov nroj ntsuag rau saum lub twj nqus cua.
• Cov khoom txuag tshuaj kom tsw qab, xws li“ cov ntsaws rau hauv qhov hluav taws xob( plug-ins) tim phab ntsa” thiab cov tshuaj txuag kom tsw qab uas siv hluav taws xob, mas yuav tsum tau tsis txhob siv rau hauv cov tsev kawm ntawv kiag li.
• Tsis pub siv cov zais uas siv kua roj hmab( latex) rau hauv lub tuam tsev kiag li. Cov tsev kawm ntawv uas siv tshuaj tua kab yuav tsum muaj ib daim ntawv teev npaj sijhawm rau kev tua kab thiab muaj daim ntawv teev sijhawm tau rau cov niam txiv thiab neeg saib xyuas xyuas los sis luam tom tsev kawm ntawv lub chav haujlwm. Thiab lub xeev txoj cai kom qhia rau cov tsev neeg txog tej yam tsis zoo mus ntev rau menyuam kev noj qab haus huv los ntawm kev siv cov tshuaj tua los sis kev tsis to taub txhij txhua rau cov hom tshuaj. Yog koj xav kom qhia paub ua ntej txog cov hnub tua tshuaj uas tsis sau nyob rau lub tsev kawm ntawv daim ntawv teev npaj sijhawm los sis lus nug txog pa cua nyob sav hauv tsev, thov hu rau Curt Maki, neeg lis saib xyuas txog pa cua, ntawm 763-506-1225.
Cov tsheb kauj vab thiab cov chaw tso tsheb kauj vab
Cov tub ntxhais kawm ntawv uas tau kev tso cai los ntawm lawv niam lawv txiv yuav caij tau tsheb kauj vab tuaj rau ntawm tsev kawm ntawv thiab caij rov mus tsev. Xav kom cov niam txiv hais kom lawv cov me nyuam ntoo kaus mom tiv thaiv taub hau. Cov tsev kawm ntawv muaj ib qho chaw tso cov tsheb kauj vab rau cov tub ntxhais kawm ntawv tso lawv cov tsheb kauj vab thaum nruab hnub. Kev siv qhov chaw tso tsheb kauj vab yog ib qho meej mom uas yuav tshem tawm tau. Cov tub ntxhais kawm ntawv yuav tsum tau tsis txhob ua kom lwm tus neeg lub tsheb kauj vab puas, lub ntsuas nphoo xauv lub tsheb kauj vab puas los sis siv qhov chaw tso tsheb kauj vab tsis raug cai. Cov tub ntxhais kawm ntawv yuav tsum tau hwm txhua tus neeg uas siv qhov chaw tso tsheb kauj vab, thiab tsuas tso lawv lub tsheb kauj vab rau ntawm qhov chaw tso uas siv lub log pem hauv ntej xwb. Nws yog cov tub ntxhais kawm ntawv txoj dej num los xauv lawv lub tsheb kauj vab rau qhov chaw tso tsheb kauj vab. Thov, tsuas pub ib lub tsheb kauj vab rau ib qho chaw xaus nkaus xwb, thiab tsis txhob muab cov tsheb kauj vab xauv ua ke. Vim kev ruaj ntseg, nws yog ib qho tseem ceeb uas cov tub ntxhais kawm ntawv txav ntawm lawv lub tsheb kauj vab tam sim ntawd tom qab lawv xauv lawv lub tsheb kauj vab tas yav sawv ntxov los sis tshem thaum yav tav su. Tag nrho cov neeg caij tsheb kauj vab yuav tsum tau taug kev nrog lawv lub tsheb kauj vab thaum nyob hauv lub tsev kawm ntawv thaj chaw. Cov neeg caij tsheb kauj vab yuav tsum tau hla cov kev ntawm cov ces kaum tib yam nkaus li lwm cov tub ntxhais kawm ntawv thiab ua raws li cov lus qhia los ntawm tus neeg tuav chij rau neeg hla kev. Yuav kom tsis txhob raug lwm tus tub ntxhais kawm ntawv uas hla kev tib lub sij hawm ntawd, cov neeg caij tsheb kauj vab yuav tsum tau taug kev nrog lawv lub tsheb kauj vab thaum hla kev. Thaum caij hauv txoj kev,“ caij rau sab xis.”
Cov luv maus taus me( scooters), cov ua tej daim uas muaj log( skateboards), cov khau log uas ua ib ka( in-line skates), thiab cov khau ntaub muaj log( roller tennis shoes)
Cov tub ntxhais kawm ntawv yuav caij tsis tau cov khau log uas ua ib kab, cov khau log, cov ua tej daim uas muaj log los sis cov maus taus me hauv tsev kawm ntawv thaj chaw. Cov tub ntxhais kawm ntawv uas siv cov no caij mus rau tom tsev kawm ntawv yuav tsum tau tsis txhob siv thaum lawv txog lub tsev kawm ntawv thaj chaw lawm. Xav kom cov niam txiv txhawb kom lawv cov me nyuam ntoo kaus mom tiv thaiv taub hau thaum caij los sis rau cov khoom no. Cov tub ntxhais kawm ntawv uas rau cov khau ntaub muaj log yuav siv tsis tau cov log thaum lub sij hawm kawm ntawv yav nruab hnub los sis hauv tsev kawm ntawv thaj chaw vim cov kev phom sij uas yuav raug rau tus neeg rau thiab lwm cov tub ntxhais kawm ntawv. Lub tsev kawm ntawv yuav tsis thaj tsob rau cov khoom ua xiam, raug nyiag los sis puas thaum uas rau los sis caij mus rau tom tsev kawm ntawv. Cov khoom uas ua rau muaj kev xeeb txob rau ib puag ncig hauv tsev kawm ntawv yuav raug txhav mus thiab muab rov qab rau nws lwm lub sij hawm.
Kev xeeb txob thiab cov khoom phom sij( khoom ua si, cov khoom siv hluav taws xob, lwm yam zoo li no)
Rau txoj kev noj qab haus huv thiab kev ruaj ntseg, thiab kom los tswj tau ib puag ncig uas tsim nyog rau kev kawm, txoj kev tau los sis siv cov khoom uas cov neeg ua hauj lwm hauv lub tsev kawm ntawv pom tias yog ib qho phom sij los sis xeeb txob mas yuav tsis pub nyob hauv tsev kawm ntawv cheeb tsam thiab hauv cov koom txoos uas tsev kawm ntawv ua tus txhawb nqa. Ib co piv txwv txog cov khoom no mas nws yuav txawv ntawm ib lub tsev kawm ntawv rau ib lub tsev kawm ntawv, tiam sis tej zaum yuav muaj xws li, tiam sis tsis yog tas rau: cov twj uas siv hluav taws xob, cov khoom ua si, cov khaj ua si nrog lwm tus neeg( trading cards), los sis lwm cov khoom uas cov neeg ua hauj lwm hauv lub tsev kawm ntawv pom tias yog ib qho khoom cuam tshuam.
Yog tias koj muaj lus nug txog seb puas yuav nqa tau ib qho khoom tuaj rau tom tsev kawm ntawv, nug tau rau cov neeg ua hauj lwm hauv lub tsev kawm ntawv.
Lub tsev kawm ntawv tsis thaj tsob rau cov khoom uas xiam, pauv, raug nyiag los sis puas uas yuav tsum tau tsis txhob nqa tuaj rau hauv tsev kawm ntawv raws li cov kev taw qhia no. Cov khoom uas ua ib qho xeeb txob tej zaum yuav muab txhav mus thiab muab rov qab rau nws lwm lub sij hawm. Tej zaum yuav qhuab qhia ntxiv raws li pawg tswj lub tsev kawm ntawv txiav txim.
Cov lus ceeb toom tshwj xeeb txog cov khoom siv hluav taws xob: Vim muaj coob tus muaj cov xov tooj ntawm tes thiab lwm cov twj uas siv hluav taws xob, cov niam txiv thiab cov neeg saib xyuas yuav tsum tau ras tias cov tsev kawm ntawv yuav tsis thaj tsob rau cov khoom uas xiam, raug nyiag los sis puas – tsis hais seb nws kim npaum li cas. Cov tub ntxhais kawm ntawv uas nqa cov no tuaj rau hauv tsev kawm ntawv nws nqa tuaj raws nws kev pheej hmoo xwb. Nco ntsoov hais tias cov tsev kawm ntawv qib theem pib tsis muaj cov chaw rau khoom uas xauv tau, thiab cov khoom uas ua ib qho kev cuam tshuam yuav raug txhav los ntawm tus kws qhia ntawv( los sis lwm tus neeg ua hauj lwm txoj kev txiav txim) thiab yuav muab rov qab rau nws lwm lub sij hawm.
Kev tshawb cov chaw rau khoom thiab cov rooj sau ntawv
Tus tub ntxhais kawm ntawv cov chaw rau khoom thiab cov rooj sau ntawv mas yog lub tsev kawm ntawv thiab cheeb tsam tsev kawm ntawv li thiab li no cov neeg ua hauj lwm hauv lub tsev kawm ntawv yuav tshawb tau. Saib ntxiv hauv kev tshawb thiab kev txhav hauv cheeb tsam tsab cai txog kev qhuab qhia nyob rau nplooj 32.
14 2016-17 Tsev Kawm Ntawv Phau Ntawv Handbook