April21 - Page 14

اعتزل ‏..‏ وماتخاصمش ايوه اعتزل كل حد مرائي ومن وراك بشكل وقدامك بشكل ايوه اعتزل كل واحد عايش علشان يفضل يكدب عليك وعلي مشاعرك ايوه اعتزل كل واحد بيعثرك وهايرجعك لورا ايوه اعتزل كل واحد قاسي وغدار ايوه اعتزل كل واحد كان بيمثل عليك انه اخوك وصاحبك ايوه اعتزل كل واحد معاك معاك عليك عليك . مات الملك عاش الملك الاعتزل قانون إبراهيم ابو الاباء . لكن اعتزل وماتخاصمش
مش مستاهله غل وحقد وكرهه وخبث وادانه وعدم محبه كلنا هانمشي من الدنيا ‏..‏ كل الزحمه اللي في حياتنا هاتنتهي ‏...‏ كل خناق وصوت عالي مش هايبقي موجود ‏..‏ كل حاجه بنفكر فيها وزعلانين عليها هاتبقي وهم ‏..‏ كل حاجه ضيعنا فيها وقت هاتبقي معدومه ‏..‏ كل كره وكل حقد وكل بغضه وكل جرح وكل كلمه صعبه هاتتبخر ‏...‏ كل جمال وشهوه هاتبقي سراب ‏..‏ يوم ماتطلع الروح من الجسد كل ده هاتعرف ان كل ده في الأرض تافه . خناقاتك مواقفك اللي مش عاوز تغيرها ‏..‏ كله هاتعرف وقتها ان كل ده تافه ‏...‏ اللي هايبقي موجود هو انا زرعت ايه جوه قلوب الناس ‏..‏ في لحظة والدنيا هاديه لو فكرت فكل ده هاتعرف ان مش مستاهله خناق ‏...‏ مش مستاهله كره ‏..‏ مش مستاهله بعد وجفا وقسوه ‏..‏ مش مستاهله الدنيا ‏...‏ اعمل كل حاجه تخليك جوه قلوب الناس الشخص اللي كانوا يشفوه يرتاحوا ‏..‏ الشخص اللي كل واحد نفسه يعرف ربنا يعرفه من خلالك ‏..‏ اخرج من كل زحمه هاتخسرك عمرك قبل ماتخسرك اللي حواليك ‏..‏ عيش عشان تبقي سبب راحه علشان لما الروح تخرج من الجسد ترتاح . احنا هنا في الموضع اللي كله حزن وكأبه وتنهد وضجيج ‏...‏ قولوا يارب خليني اتنفس السما وانا علي الأرض . قول لنفسك مش مستاهله . ارتاح لانها صدقني مش مستاهله
‎14‎