Ես խորապես համոզված եմ, որ « Դասավանդի՛ր Հանուն Հայաստանի »-ի և Երևանի պետական համալսարանի միջև համագործակցությունը առանցքային է փոփոխությունների հասնելու համար ։ Նորարարությունն ու դարավոր փորձը, պրակտիկան և ակադեմիական աշխարհը, կիրառականն ու տեսությունը, մասնավոր և պետական սեկտորը չպետք է դիտարկվեն որպես հակադիր կողմեր ։ Ընդհակառակը` մեր ուժեղ կողմերը միավորելով, փոխհամաձայնությամբ, այլ ոչ թե հակադրվելով, մենք կարող ենք ստեղծել նոր և հիմնարար արժեք ։ Այս ծրագիրը այդ տեսլականի վկայությունն է
Գոռ Նազարյան « Դասավանդի’ ր Հանուն Հայաստանի » կազմակերպության գլխավոր գործառնական տնօրեն
Այս ծրագիրը կենսական նշանակություն ունի ազգային անվտանգության համար ։ Երբ սահմանամերձ գյուղերի դպրոցներն ունեն ուսուցիչների պակաս, նրանց սպառնում է փակվել, իսկ երբ գյուղը կորցնում է իր դպրոցը, այն սկսում է անհետանալ ։ Այս նախաձեռնությունը միայն կրթության մասին չէ, այն վերաբերում է շատ համայնքների ապագային ։ Կրթական հավասարության սկզբունքի վրա հիմնված ՝ Երևանի պետական համալսարանը և « Դասավանդի’ ր Հանուն Հայաստանի »-ն մեկնարկել են « Ուսուցչի առաջնորդություն » մագիստրոսական ծրագիրը ՝ մանկավարժներին զինելու իրականացնել փոփոխություններ այնտեղ, որտեղ դրանք ամենաշատն են անհրաժեշտ
Նազիկ Հարությունյան ԵՊՀ-ի մանկավարժության և կրթության զարգացման կենտրոնի տնօրեն, մանկավարժական գիտությունների պրոֆեսոր
Մեզանից յուրաքանչյուրը միացավ այս ծրագրին, քանի որ ինչ-որ պահի ինչ-որ մեկը հավատաց մեզ և վստահեց, որ մենք ոչ միայն կարող ենք լինել լավ ուսուցիչ, այլև դառնալ Ուսուցիչ-առաջնորդ, որը գիտի, թե ինչպես իրականացնել փոփոխություններ այնտեղ, որտեղ դրանք ամենաշատն են անհրաժեշտ ։ Մագիստրոսի կոչում ստանալը մեր ճանապարհի ավարտը չէ ։ Մեր առաքելությունն է ապացուցել, որ կրթելը միայն դասավանդելով չի սահմանափակվում, այլ ենթադրում է նաև իրական, երկարատև փոփոխությունների նախաձեռնում
Ներսես Խաչատրյան 9-րդ սերնդի Ուսուցիչ-առաջնորդ, Ծավ գյուղ, Սյունիքի մարզ, Ուսուցիչների առաջնորդության ծրագրի մագիստրատուրայի շրջանավարտ
36