NYE BOLIGTOMTER I SURNADAL:
Bygg huset du
har drøymt om
Byggeaktivitet i Grytå. AS Bredesen Graving & Transport
frå Sunndal bygger infrastrukturen, og dei vil vere ferdig
med jobben til sommarferien.
Surnadal kommune har nettopp lagt ut 10 sentrumsnære tomter for sal,
der du kan bygge huset du har drøymt om – med flott utsikt og gode
solforhold.
Det har vore populært å bygge
i Surnadal dei siste åra, med
mange nye eineboliger og
leilegheitsbygg oppført fleire
stader i kommunen. Dei eksiste-
rande sentrumsnære boligfelta
er tilnærma fulle, og det er derfor
eit behov for fleire sentrumsnære
tomter i kommunen.
Noko av behovet har vorte dekt
gjennom utbyggsavtalen
kommunen har med private
grunneigarar i Svartvassområdet,
og i år blir det mogleg å kjøpe
kommunale tomter i sentrums-
nære «Grytå 2».
Rådmann Knut Haugen i Surnadal
kommune er godt fornøgd med å
kunne presentere 10 nye tomter
vest i Grytåfeltet. Tomtene ligg
flott til med enkel tilkomst, utsikt
over bygda og gode solforhold.
Tomtene ligg no ute for sal, og
kommunen ventar at feltet blir
fylt i løpet av 2-3 år. På sikt finst
det gode moglegheiter for vidare
utvikling av området. Det kan
26
bli aktuelt med ein ny gang- og
sykkelveg i «lia» mellom Grytå og
Sætergarden, som vil gi kortare
veg frå boligfelta i Grytå og
Grimsmomarka til t.d. Syltøran
stadion.
Dette prosjektet ligg eit stykke
fram i tid, og krev tett samarbeid
mellom kommunen og aktuelle
grunneigarar, så vel som ny/
endra reguleringsplan, for å
kunne realisere det.
Haugen fortel vidare om planer
om utvikling av eit boligfelt på
Bølandet i Bøfjorden, og utviding
av feltet på Holtamoen i Øvre
Surnadal. På desse to felta skal
infrastrukturen vere tilrettelagt
seinast våren 2020.
– Vi er opptatt av å tilrettelegge
og investere i boligområde i takt
med etterspørselen, og vurderer
dette fortløpande etter kvart som
talet på ledige tomter og nivå av
interesse endrar seg, seier han.
– På lengre sikt håpar vi å
utvide felt i Todalen, Stangvik og
Kvanne, i tillegg til at vi ønskjer
å etablere eit større boligfelt i
området Høgberget/Øyegardslia.
Alle desse prosjekta krev vidare
arbeid med regulering, grunn-
kjøp og finansiering før vi kan
legge konkrete planer, fortel
rådmannen.
DET FINST LEDIGE TOMTER i
desse boligfelta i Surnadal
kommune:
Grimsmomarka, Grytå, Nistutrøa,
Stormyra 1, Glærem, Holtamoan i
Øvre Surnadal, Bølandet i
Bøfjorden, Gjerdahaugen i
Bæverfjord, Nordvik, Flathauan
i Todalen, Stenbergsgeilen på
Melhus, Tromyrhauan i Stangvik,
Kråkhaugen på Kvanne
(privat utbygging).
På kommunen sine nettsider finn
du meir informasjon om desse
tomtene.
VIL DU
KJØPE TOMT
- eller treng du
meir informasjon?
Kontakt avd. for areal- og
naturforvaltning
v/Håvard Stensønes
Telefon 979 78 216
E-post:
[email protected]
Du finn også mykje
informasjon på
surnadal.kommune.no