EIN LOKAL DUGNAD
med globale konsekvensar
I skrivande stund så er vi i ferd med å opne
samfunnet etter at myndigheitene innførte
dei mest inngripande restriksjonane sidan
krigen. Kommunen sette krisestab i midten av
mars, og vi har opplevd ei uverkeleg tid. Ein
liten ubedd gjest banka på døra og førte til
utryggheit for absolutt alle.
Vi står no midt i vår kanskje viktigaste dugnad sidan krigen,
der evna til å møte ein felles trussel blir testa. Koronaviruset
kan potensielt slå ut heile samfunnet ved at svært mange blir
sjuke samtidig, og at helsevesenet ikkje greier å hjelpe dei
sjukaste. Difor har vi sett inn tiltak som både skal avgrense og
utsette smitte.
Nyheitsbildet viser at flyplassane er bortimot tomme, mange
i hotellnæringa er permitterte, og kulturlivet er hardt ramma.
Her lokalt fortel kulturaktørar at dei hadde fullbooka kalender
fleire månader framover, men på nokre timar vart dei tomme.
Dette er dramatisk, men vi ser at med strenge tiltak så kan vi
raskare komme tilbake til ein ny normalsituasjon.
Slike kriser utfordrar samfunnet si berekraft. Har vi eit bere-
kraftig næringsliv, kva med matproduksjon, vassforsyning,
helsetenester, eller utdanningssystem? Surnadal kommune har
invitert næringsliv og innbyggjarar til ein felles innsats for å
nå FN sine 17 berekraftsmål. Eg er glad for at næringslivet tek
dette på alvor, og mange har i årevis arbeidd med miljø- og
klimavennlege løysingar som vi alle kan lære av.
Kva er berekraft? Eg tenkjer at berekraft er den krafta eller
styrken vi viser gjennom godt samarbeid, vår kunnskap, vårt
fotavtrykk, våre val, som i sum skal føre til at jorda vår blir
ein betre stad for alt liv. Ein lokal dugnad med globale konse-
kvensar, og denne våren er dette viktigare enn nokon gong.
Vi i Surnadal har klart oss bra gjennom krisa med tanke på
antal smittetilfelle og utfordringar for helsevesenet. Verre har
det vore for delar av det lokale næringslivet. No er det tid for
å støtte opp om lokale bedrifter og sørge for at dei kjem seg
gjennom dei neste månadene på best muleg vis.
Som ordførar vil eg arbeide for at Surnadal skal ha sterke
lokale bedrifter, både dei små og store. Det er plass til alle.
Til det beste for oss alle.
4
Handelsbedriftene har opna opp att, og alle tek smittevern på
største alvor. Det skal vere trygt å besøke lokale butikkar her
i Surnadal. Butikkane har også det aller meste av det vi treng,
så eg vil oppfordre alle til å handle lokalt i staden for å reise til
byane rundt oss.
Vi går mot ein sommar der mange må endre ferieplanane
sine. Heldigvis det er svært mykje å oppleve på kortreiste
turar i nærområdet vårt. Blir du turist i eigen kommune, med
ein lokal shoppingrunde og besøk på ein av dei mange spise-
stadane våre, vil du møte varme smil og ei service- innstilling
du skal leite lenge etter.
Vi treng noko å sjå fram til og glede oss over, og sjølv ventar
eg berre meir og meir på vår og sommar kvart år. Å kjenne
sola som varmar og sjå at det spirar og gror, gjer at eg sjølv
også får meir energi. Eg brukar å planlegge prosjekt både
innomhus og utomhus. Erfaringsvis går denne tida fortare enn
ein trur, så det blir ofte berre med planane før eg tenkjer at eg
skal gjere det neste sommar.
I år er konfirmasjonane utsett til august og september. Eg har
to konfirmantar og da trengs det ein ekstra innsats med å få
på plass bunad, finsko, dress og anna utstyr. Selskapslokale
skal ordnast og maten planleggast. Russetida vart også utsett,
og ho eg har i hus har planlagt i lang tid saman med gode
venner korleis alt skulle klaffe med russedåp, russebil, arrange-
ment og samlingar for at russetida skal bli eit minne for livet.
Slik vart det ikkje i år. Det vart feiring, men på ein annan måte.
Denne våren vart det meste annleis. Alt vart sett på vent.
Diktet «Vårsøg» av Hans Hyldbakk vart skrive i 1945 mot
slutten av andre verdskrigen, der «våren» symboliserer fri-
gjeringa. Vi har stått samla i kampen mot koronaviruset og for
å vere sterke må vi vise omsorg og hjelpe kvarandre. Eg vel
å avslutte med eit vers frå Vårsøg med ønske og håp om at
sommaren blir fin, med gode kvardagar og feriedagar.
«Å du, og du, kår sårt å sælt e stoinna,
når sola skin frå kvite høgdå ne.
Da væt e vår`n han e kje lenger oinna
at e får levva slik ein sommar te.»
Takk til alle for dugnadsinnsatsen!
Surnadal, 12. mai 2020
Margrethe Svinvik ,
ordførar