Destiny Gregory of 3-8
Aktiv8 empowerment, prize
winner, for initiative in writing and
presenting original Character
poem.
“Designed for Divine Destiny”- You
are created uniquely for a divine
purpose on earth. You are fearfully
and wonderfully made, Psalm 139.
Through Godly character you will
experience your divine destiny.
“Sow a though (Phil4:8)….reap a
destiny (Jer 29:11)”.
Today ah school, mi get a piece a homework
And wen mi see it, mi did laugh at first.
A who dem expect fi dweet, could neva be me
Afta nuh body nuh do homework fi P.D.
An mi ah di idiot fi write it dung,
Mek di likkle ink ina mi pen done.
Well mi write it dung, so mek me read it a likkle;
Di question seh “What are my responsibilities?” and “How
can I be more responsible?”
Well, mi neva get much fi do till mi did reach 14
Mi afi get up early Saturday mawnings fi wash every week
Mi clothes afi fold up, yhaad afi sweep,
Plate afi wash and mi room afi clean.
Sometimes afta school, mi afi pick up mi likkle sista by
4:15.
Den wid school, done know mi afi keep mi first honours
lock,
Pay action, no chat behind dat.
Plus, mi ah di beadle, like Magnum mi afi tek charge,
Mek sure di class stay quiet, mek dem know who is boss.
Gone a tracks training with Nella pon Monday,
Wednesday, mi and Keandra deh a football,
Me and Hannah deh a netball pon Friday.
Den by 6:00 mi deh a mi yaad,
But mi nah lie, mi ave some responsibilities weh mi pay no
mind.
Di area weh mi sit dung, full a gyahbige,
And wen mi fi pick it up, mi say mi nah no time.
And sometimes mommy gimme mi lunch money, and mi
ova spend,
And if ah nuh dat, mi lef it again.
All mi rentals, a pencil mi use fi lock mi locka, Fada
Mi mussy owe Campion $15,000!
And mi nah evin tell mi mada.
But yuh know wah mi a medz
If me be a bit more responsible, it ago help mi in di end.
Mi can pick di likkle piece a paaypa weh mi dash dung
Instead ah ave dem a fly round pon di groung.
Mi split up mi lunch money, fi balance every ting,
Can even save likkle a it fi buy some Burger King.
Mi can lock mi book dem ina mi locka wid an actual lock
an key,
An even if mi lost a book, a betta mi tell mi parents be-
fore Campion tell dem fi me.
All wen mi ave homework weh mi nuh want fi do, mi jus
ago dweet, mi nah run
And see deh, mi stat already, P.D. homework done.