Aiaraldea Hemen 120 Aiaraldea Hemen hamabostekariaren 120. zenbakia | Page 8

8
AIARALDEA #120 2020ko apirilaren 10a
argazki erreportajea
Aiaraldeko Mugimendu Feministak “kazerolada” egin zuen
iragan igandean eskualdean, larunbatean Laudion jazotako
eraso matxista salatzeko. Horrez gain, etxeak morez eta
aldarrikapenez josi dituzte, emakume erasotuei babesa
adierazteko. Arrakasta nabarmena izan dute bi ekimenek,
bizilagun ugari batu baitira deialdietara.
Laudioko eraso matxista
salatzeko, lapikoak eta
sormena kalera
Testua Izar
Mendiguren Cosgaya
Emakume bat erasotua izan
zen iragan larunbatean Laudion.
Genero indarkeria egotzita atxi-
lotu zuten gizonezkoa. Hori dela
eta, erasotuari babesa adierazte-
ko etxeen kanpoaldeak erabili
dituzte aldarrikapenak jartzeko,
Mugimendu Feministak eginda-
ko deialdiari jarraiki.
Facebook kontuan argitaratu
dituzte jasotako argazkiak. "Astin
ditzagun irudimena eta atera
ditzagun balkoi eta leihoetara
eraso matxisten aurrean gure
babes eta autodefentsa feminis-
tako indar guztiak! Erasotzaile,
etxean edo kalean, gaur eta beti,
aurrean izango gaituzu! Erasorik
ez erantzunik gabe!", adierazi
dute.
Igande gauean egin zuten "kaze-
rolada", eskualdeko herri guztie-
tan: "Bizitzen ari garen egoera
latz honetan ere ez dugu onartu-
ko inolako erasorik, aski da! Era-
soen aurrean, autodefentsa femi-
nista!".
Laudioko Udalak, bere aldetik,
erasoa gaitzetsi eta bihar balkoiak
apaintzera deitu ditu herritarrak,
ohar baten bidez.
INDARKERIA MATXISTARIK AURRE EGITEKO PREST
Azken asteetan Euskal Herrian indarkeria matxista kasuak areagotu egin
direla salatu du Aiaraldeko Mugimendu Feministak.