Artikel & Foto’s deur Johan Verster
‘n Boer het eendag die opmerking gemaak. “As dit nie vir die tegnologie was nie,
is daar vir my nie veel in boerdery nie.”
D
it het my laat dink, veral
in aggenome dat dit nie
van ‘n jong man af kom
nie. Ek kan hierdie stelling ook omdraai en sê dat as dit
nie vir die landbou was nie, daar
ook nie vir ons veel in die ontwikkeling van tegnologie was nie.
Tye en omstandighede het so verander dat tegnologie al meer gebruik moet word om praktiese
oplossings te bied vir struikelblokke
in die boerdery en om meer winsgewend te kan wees. Al meer boere
moet ook hulle belange oor afstande bestuur en beskerm as gevolg van omstandighede buite hulle
beheer wat die risiko’s skerp laat
styg. Die aanwending van tegnologie in die landbou is egter niks
nuuts nie en is deel daarvan vir solank landbou bestaan. Die beste
idees vir ontwikkeling en vooruitgang kom per slot van rekening van
die persoon wat die probleem
ervaar.
Daar is ongelooflik baie produkte
en oplossings tans in die mark
beskikbaar vir verskeie applikasies,
maar dit is belangrik om altyd te
kyk na praktiese en koste effek-
tiewe oplossings wat ontwikkel
word met inagneming van die boer
se insette.
Die beste oplossings is natuurlik
altyd die een wat so na as moontlik
aan ‘n geslote sirkel kom. Ons wil
nie net die opdrag op een van die
talle maniere met tegnologie gee
en aanvaar dit het gebeur nie,
natuurlik is die ideal om terugvoering te kry dat dit wel gebeur
het. Daar is talle oplossings wat dit
wel bied, maar weereens is dit belangrik wat prakties en koste effektief is vir elke verbruiker.
“Om te meet is om te weet”:
Indien ons die toename in die koste
van elektrisiteit, kunsmis, brandstof, arbeid en plaagbeheer middels
in ag neem, om slegs ‘n paar te
noem, kan ons verstaan hoekom
daar so ‘n tegnologiese ontploffing
plaasgevind het veral op van
hierdie gebiede. Indien ons die toename in diefstal hierby insluit, raak
die impak wat dit op daaglikse
boerdery aktiwiteite kan hê astronomies.
Ek gaan slegs ‘n paar algemene
kopsere, waarmee baie boere
daagliks te doene kry, hier aanraak
en kyk na watter oplossings
beskikbaar is om die boerdery aktiwiteite makliker en meer
bekostigbaar te maak.
Damme wat leeg raak, hetsy vir
bepsroeiings doeleindes of vee
suipings:
Hiervoor is oplossings beskikbaar
wat die boorgat pomp of ander
bron wat die dam voer, outomaties
kan aan- en afskakel na gelang van
die watervlak in die dam. Dit sal
verhoed dat die dam leeg raak.
Kabel, radio of GSM oplossings is
onder andere hier beskikbaar.
Spilpunte wat uit lyn uit loop en
gaan staan. Vir die spilpunt mark is
daar baie omvattende oplossings
Outomatiese beheer van besproeiings krane d.m.v radio beheer.