Deur Arnand Stofberg
se leefkoste kan dra wanneer die opvolger
begin boer nie. Tweedens moet daar betyds
beplan word wie gaan die opvolger/s wees en
in die geval van meer as een opvolger moet
daar besin word of hulle saam gaan boer of
die boerdery verdeel en of daar genoeg
grond is om volhoubaar te wees vir die getal
opvolgers.
Besigheidstruktuur
Dit is ook belangrik om te besin of die
boerdery in die regte struktuur bedryf word
(bv. alleeneienaar, Beslote Korporasie, trust of
maatskappy) omdat elkeen unieke voordele
en nadele bied ten opsigte van belasting, die
verkryging van finansiering en regsaanspreeklikheid.
“Benchmarking”
Dit is altyd goed as daar norme beskikbaar is
waarteen die boerdery se finansiёle prestasie
gemeet kan word. Dit sal uitwys waar die
boerdery ‘n mededingende voordeel het en
waar swak punte is waaraan gewerk moet
word.
Daar is 6 stappe wat gevolg kan word om die finansiële
bestuur van ‘n boerdery te vergemaklik.
Stap 1: Bespreek die huidige besigheidstruktuur met ‘n finansiёle kenner en besluit of daar veranderinge nodig is.
Indien wel, doen dit so gou as moontlik.
Stap 2: Besin oor die risiko waaraan die boerdery onderworpe is en kyk saam met ‘n kundige op die gebied na
die versekering en planne wat in plek is. Indien daar veranderinge nodig is voer dit deur.
Stap 3: Stel ‘n deeglike begroting en kontanvloei begroting
vir die komende jaar op.
Stap 4: Maak seker dat ‘n behoorlike stelsel van boekhouding
en rekordhouding in plek is om werklike inkomstes en
uitgawes te meet. Monitor die kontantvloei begroting op
‘n maandelikse basis (vergelyk begrote syfers met die
werklike syfers ) en kyk na afwykings van die begroting
en moontlike oorsake.
Stap 5: Meet die boerdery se resultate teen die beskikbare
norme vir die bedryf en indien daar groot afwykings is
probeer vasstel wat die oorsake is.
Stap 6: Doen opvolgbeplanning en boedelbeplanning en
hersien gereeld om aan te pas by veranderende omstandighede.
Deur goeie finansiёle bestuur toe te pas en van kundiges gebruik te maak kan die produsent groter winste
maak, meer gemoedsrus hê en beter fokus op die boerdery self.
Arnand Stofberg – B Agric Admin (US); B Compt (UNISA)
Direkteur: Boshoff Visser Worcester (Edms) Bpk; Boshoff Visser Upington (Edms) Bpk
Tel: 02334 22374 Epos: [email protected]
Bostaande is slegs ter inligting en is geensins advies nie. Boshoff Visser raai alle lesers aan om met 'n kundige finansiële adviseur in verbinding te tree voordat enige besluite geneem word.