Snywurms
Snywurms vreet jong saailinge op die grondvlak af en
beskadig die ondergrondse stamme van ouer saailinge
deur ’n netjiese, skoon gat daarin te vreet. Die wurms
word die beste beheer wanneer grondtoegediende
insekdoders, soos piretroïede, op ’n klam
grondoppervlakte gespuit word. Wanneer die bogrond
droog is, bly snywurms onder die grond en aangesien
piretroïede nie eintlik die grondoppervlakte binnedring
nie, sal die snywurms dan nie met die produk in
aanraking kom nie. Die gevolg is swakker beheer en
saailinge wat onder die grond beskadig word.
Die hele piretroïedgroep van middels is ligsensitief en
word vinnig deur sonlig afgebreek. Dit benadeel
residuele snywurmbeheer. Aangesien die formulasie
van Syngenta se KARATE ZEON® 10 CS relatief UVbestand is, bied dit die produsent langer beheer teen
snywurms.
Stamboorders en stronkboorders
(Chilo partellus en Basseola fusca)
Larwes voed in die mielieplant se kelk en vreet soms
regdeur die kelkrol. Hulle beskadig die mieliestamme
deur aan die kante in te boor en tonnels aan die
binnekant vreet. Larwes in die tweede en derde larwale
stadium kan ook skade aan die koppe veroorsaak. Dit
kan lei tot sekondêre swam-infeksies, wat weer
aanleiding gee tot ’n afname in die kwaliteit van graan
en die verswakking van ander plantdele.
Stronkboorderbeheer moet vroegtydig toegepas word,
voordat die larwes só diep in die mieliekelk ingegrawe
het dat bestaande produkte hulle nie kan bereik nie.
Toedienings moet gemaak word wanneer 5% tot 10%
bokhaelskade waargeneem word. Verminderde
bewerkingspraktyke, waar stronke nie ingeploeg word
nie, help stronkboorders om meer suksesvol te
oorwinter en hoër infestasies kan dan verwag word.
Onder sulke omstandighede moet monitering meer
gereeld gedoen word.