Artikel deur Hans Lombard
T
wee van die mees
tegnologies gevorderde
presisie-mieliesaadplanters
– enig in hul soort in SuidAfrika – is deur Monsanto aangeskaf om saadmielies doeltreffender, akkurater en meer kosteeffektief te plant. Die belegging van
R11 miljoen behels twee Monosem
17-ry en twee 3-ry lugdrukplanters,
sowel as twee Case 290 NX
agtwielaangedrewe trekkers van
212 kW.
Met dié nuwe tegnologie kan die
mannetjie- en wyfiesaad nou met
dieselfde planter gelyktydig geplant
word volgens behoefte. Die planter
plant elke pit sekuur sonder om een
oor te slaan. Voorheen is twee verskillende planters gebruik om rye
mannetjie- en wyfiesaad te plant.
Eers is die wyfiesaad met een
planter, gevolg met die mannetjiesaad met ’n ander planter, geplant.
“Met dié nuwe tegnologie, die
eerste in sy soort in saadproduksie,
het ons 17 een-ry planters op een
balk waar ons elke ry onafhanklik
kan beheer en monitor in die kajuit
van die trekker. Nou kan ons die
mannetjiesaad gelyktydig tussen
die wyfiesaad rye plant. Dit gee ons
’n wyfie oppervlakte van 100%. Met
die tradisionele manier het ons
slegs 83% wyfiesaadoppervlakte
gekry. Dit is baie meer kosteeffektief om groter hoeveelhede
saad in minder tyd te produseer,
teen ’n hoër opbrengs, om te voldoen aan die toenemende binnelandse en uitvoer vraag na ons
saad,” sê Lukie van der Merwe,
bestuurder veldbewerkingstoerusting van Monsanto.
Die planter het geen kettings of
bande om die verskillende funksies
aan te dryf nie. Alle funksies word
hidroulies beheer. Die plantestand
kan, terwyl die planter beweeg,
aangepas word, wisselend van 15
000 tot 115 000 plante/ha. Rywydtes is 76 cm. Gemiddeld 40ha/
dag word geplant. Op ’n goeie dag
kan tot 70-80 ha geplant word. Om
meer stuifmeel te produseer, word
die twee 3-ry planters ingespan om
vyf dae na die eerste aanplanting
weer mannetjiesaad te plant.
Die trekkerbestuurders is deur
Monsanto opgelei om die hoogsingewikkelde presisiemonitor in die
kajuit te interpreteer wat elke
funksie op die planter – toediening
van saad, kunsmis en plaagbeheermiddels – sowel as plantestand
monitor. Met GPS-tegnologie hou
die trekker self pylreguit koers.
Voordat daar met die plant begin
word, word daar om die land gery
om die grense op die monitor vas
te lê. Die planter is ook so
geprogrammeer dat wanneer daar
op die grens gedraai word,
planterbakke een vir een afgeskakel
word om nie saad te mors nie.
Vir meer besonderhede skakel Lukie
van der Merwe 082 388 0200.
Een van die twee 17-ry Monosem presisieplanters met die Case 290 NX 212 kW trekker.
Foto: Lukie van der Merwe