dat sy om die nominasie genader
is, al vir die Here gevra om vir
haar “’n nuwe uitdaging te gee”.
Sy glo vas dat hierdie uitdaging
en die geleentheid om ‘n verskil te
maak, deel is van God se groter
plan. Volgens Preline is boere uit
hoofde van dit wat hulle doen,
nou maar eenmaal uitgelewer aan
die wispelturigheid van die natuur
en lewe hulle van dag tot dag, by
wyse van spreke, “tussen aarde en
hemel.” Om hierdie rede het sy
verduidelik, is dit, veral in dié
streke wat so erg gebuk gaan
onder droogtes, tog wel belangrik
om altyd hoopvol te bly en om
“eerder hoop as negatiwiteit oor
jou lewe uit te spreek”. Beter
begrip vir mekaar se probleme,
gereëlde onderlinge kommunikasie en “hande vat” is in Preline
se oë deel van die gedeelde pad
vorentoe.
Om die tafel saam met die
mielieboere van die Noorde
So vertel Preline, het sy by die
konferensie gekies om nie by
bekendes aan die tafel te gaan sit
nie en om die geleentheid om
langs hierdie weg nuwe kennisse
met eiesoortige probleme te
ontmoet , met albei hande aangegryp. Volgens haar het dit net
eenvoudig haar teorie dat
“onbekend onbemind maak” en
dat boere oor streeks- sowel as
rassegrense na mekaar moet
uitreik, bevestig. Alhoewel sy as
verteenwoordiger van die sg.
“opkomende boere” die ondervoorsitterstoel deel met Mnr
Andries Theron, voel Preline baie
sterk daaroor dat hulle aan die
einde van die dag “almal net
boere is” met gedeelde aspirasies
en gedeelde hoop vir die toekoms.
‘n Propvol program maar daar
is plek vir nog meer…
Preline dien op beide die uitvoerende komitee en die dagbestuur
en haar dagboek is reeds propvol
uitdagings! Op ‘n vraag of sy
steeds vir almal kans sien, antwoord sy getrou aan haar aard
positief. Sy het trouens sommer al
met die intrapsalg, skaars 24 uur
nadat hulle op die snikwarm Vrydag 4e Maart van Kaapstad af op
Bredasdorp aangekom het, op
uitnodiging en as ‘n spesiale gas,
op Saterdag 5 Maart ‘n program
vir boere op Swellendam gaan
bywoon.
En haar lidmaatskap en betrokkenheid by die plaaslike VLV tak?
“Ononderhandelbaar”, kom die
vinnige antwoord en ‘n nagedagte. Preline wou eintlik ook nog
hierdie jaar se VLV kongres gaan
bywoon het want in 2017 is dit
Bredasdorp se beurt - nog ‘n
uitdaging waarin Preline Swart as
VLV lid en bestuurslid, dolgraag
sou wou deel!”