Artikel: Chris Kriel
Foto: Willem Steenkamp
A
gri Kultuur was weereens hierdie jaar
bevoorreg om die Augsburgse Landbougimnasium te besoek tydens geleentheid
van die Wes-Kaap Jeugskou kampioenskappe wat ter plaatse aangebied is. My indrukke van
Augsburg was nog altyd die ongelooflike gasvryheid en
vriendelikheid wat ‘n mens daar ervaar. So was dit ook
weer hierdie jaar die geval. Met die Sederberge as doek
agter die skoolgronde is hierdie werklik ‘n besonderse
plek om te besoek. Ons was veral bevoorreg om die
omgewing te besoek na die droogte - wat ‘n fees was
dit om die klowe en spruite te sien bruis na mildelike
Foto: Chris Kriel
reën in die gebied.
Met die dat die landbou en die jeug in landbou myself
baie na aan die hart lê, het ek dit goed gedink om mnr
Jacques Kotzé, skoolhoof van die gimnasium te nader
om ons lesers ‘n iets en ander van die skool te vertel.
Augsburg Landbougimnasium het in 1996 tot stand
gekom toe Hoërskool Clanwilliam en Hoër Landbouskool Augsburg saamgesmelt het. Die skool onderrig
graad 1-12 en het ongeveer 500 leerders. Die bedieningsgebied is hoofsaaklik Namibië, Boesmanland,