Saamgestel deur John Goosen
Foto’s verskaf
T
ydens ‘n gala-geleentheid, Woensdagaand, 25
Mei 2016 is Jacques Beukes (35), ‘n tafeldruiweprodusent van De Doorns in die Hexriviervallei, aangewys as Agri Wes-Kaap en
Santam Landbou se Jongboer vir 2016!! Jacques dring
nou deur na die Nasionale Jongboer van die Jaar
kompetisie wat in Oktober deur Agri SA en Toyota SA
aangebied word.
Om met Jacques kennis te maak en sy entoesiasme te
beleef is voorwaar ‘n heerlike ervaring. Op ‘n vraag oor
homself, was sy reaksie “ Ek is hardwerkend, lewenslustig en hou van die buitelewe. My stokperdjies sluit in
bergfietsry, gholf en boogjag.”
Jacques is in 2010 getroud met ‘n Vrystaatse nooi,
Heleen Claassen en het vandag twee pragtige
dogtertjies, Lila en Charlè. “Dalk sal daar later nog ‘n
boetie bykom,” hoop hy.