vermoë te handhaaf onder hoë
plantestand. Die agtergrond van die
basters is veral “cornbelt” materiaal
wat in die VSA geteel is om in ʼn
kort groeiseisoen, voor dit sneeu,
stroopgereed te wees. So in daardie
opsig het die genetiese plantmateriaal en die virus nooit s aam
ontwikkel nie (onthou die virus kom
net in Afrika en nie in die VSA voor
nie), en het daar nie ʼn natuurlike
seleksie vir toleransie oor baie jare
in die materiaal plaasgevind nie. ʼn
Konsentrasie van hierdie tipe mieliebasters in ʼn gebied sal ook natuurlik
dan bydra tot die opbou van siekte
en ideale epidemiese toestande.
Speel die toestande waaronder
die vinnige mieliebasters verbou
word ʼn rol in die voorkoms van
MSV?
Ja, hierdie basters word gewoonlik
in sekere areas onder besproeiing
geplant wat ideale toestande skep
vir die oorlewing van die bladspringer en geskikte toestande skep
vir gashere waarop die virus en
insekte kan oorleef. Die hoë
temperature in die besproeiingsgebiede en die mikroklimaat wat
die besproeiing skep is ook ideaal
vir die bladspringers en siekteontwikkeling.
Is die chemiese beheer daarvan
dan anders as ander
mieliesiektes?
Meeste van die algemene mieliesiektes word deur swamme
veroorsaak en kan hierdie siektes
tot ʼn mindere of meerdere mate
bestuur of beheer word met
geregistreerde swamdoders
(bespuitings of saadbehandelings).
MSV is egter anders en is daar
GEEN chemiese produk wat die
virus opsigself kan beheer nie. Die
chemiese beheerstrategie berus dus
op insekdoders wat die bladspringer verhoed om te voed en die
siekte oor te dra. Dit maak in alle
opsigte die beheer van siekte nie
net baie anders nie maar ook meer
kompleks. Hierdie beheerstrategie
moet poog om die piek periode van
migrasie te dek wanneer gewasse
jonk is en die risiko groot is.
Watter produkte beheer die
bladspringer?
Die vektor kan deur die toediening
van sistemiese insekdoders soos
carbofuran (bv. Curaterr) in die
plantvoor tydens aanplanting van
mielies beheer word. In Suid-Afrika
is daar ʼn paar saadbehandelingsregistrasies effektief teen die
bladspringers, dit sluit gewoonlik
verhoogde dosisse van produkte
soos imidchorprid (bv. Gaucho),
thiamethoxam (bv. Cruiser) en
clothianidin (bv. Poncho) in.
In die PANNAR SAAD ultravinnige
mieliebasters word Poncho teen ʼn
verhoogde dosis (PonchoPro) as
standaard saam met ʼn swamdoder
en ʼn polimeer op die saad toe-
gedien. Hierdie vooraf fabrieksbehandeling van die produkte is
essensieel in terme van rentmeesterskap. Indien hierdie
produkte nie reg toegedien word,
in kombinasie met polimere om
vashegting op saad en stofvermindering te bewerkstellig nie,
staan ons die gevaar dat van hierdie
insekdoderregistrasies opgeskort
kan word, soos tans die geval in
Europa is. Dit sal ʼn groot leemte
laat in die plaaslike saadbedryf.
Hierdie kombinasie is oor etlike
seisoene deeglik getoets en gee in
die meeste gevalle uitstekende
beheer. In onlangste proewe onder
swaar vektordruk is dit bevestig dat
dit steeds beter is as by onbehandelde saad. Om die vektordruk
te verminder kan dit selfs wenslik
wees om die opvolggewasse
(koring) ook met hierdie saadbehandelingsprodukte te behandel.
Daar moet in gedagte gehou word
dat saadbehandeling steeds net een
van die gereedskapstukke in die
bestuur van MSV is. Daar kan nie
alleenlik hierop staatgemaak word
om volkome beskerming in uitermatige hoë siekte- en vektordruk te
verkry nie. Onder hierdie abnormale
toestande moet ʼn kombinasie van
bestuurspraktyke gevolg word en is
daar soos in enige boerderyrisiko
geen absolute waarborg wat deur
een oplossing gebied kan word nie.