Wes-Kaap: Jaco du Toit
D
ie Agri Wes-Kaap/
Santam Landbou Jongboer van die Jaar
streekswenner vir 2014,
Jaco du Toit van die Meerlust Plase
in Sandhills in die Breedevallei
distrik is tydens ‘n geselligheid in
Durbanville aangewys. Wat die
beoordelaars van die kompetisie die
meeste beïndruk het, is onder andere Jaco se dinamiese persoonlikheidstipe van sterk leierskap,
praktiese navorsingsingesteldheid
en sy vermoë om strategiese denke
en tegniese veranderinge aan
stelsels op die plaas te kombineer
sodat dit ‘n groter impak op die
volhoubaarheid van sy boerdery kan
hê. Met winsgewendheid in die
vrugtebedryf voortdurend onder
druk, is Jaco se strategie in terme
van vooruitgang dus krities. Voorts
is die tafeldruifbedryf geweldig arbeidsintensief en Jaco het met die
installering van ‘n spesifieke
klokstelsel ‘n effektiewer werkerskorps begin vestig tesame met
die uitdink van ‘n gebruikersvriendelike skaal vir die weeg van
druiwe.
Jaco se boerdey wentel om 41ha
pitlose tafeldruiwe in die Hexriviervallei. Aangesien daar volgens
hom verskeie aspekte is waarop verbeter kan word en elke aspek as ‘n
projek hanteer word, vir effektiewer
eindresultate, beskou hy homself as
ʼn projekbestuurder. Dit bied hom
die vryheid om nie in roetine te verval nie, maar ook om as ʼn evalueerder/analiseerder op te tree.
Op ons vraag waarom hy landbou
as beroep gekies het hy as volg gereageer: “Al is ek reeds die derde
geslag in ons onderneming, was ek
as seun nie werklik betrokke by die
boerdery nie. Ek is aangemoedig
om ander belangstellings te ondersoek en my pa het nooit die
boerdery as my loopbaankeuse forseer nie. Ek het gekies om wel ʼn
Landbou Diploma, te Elsenburg te
doen, maar ek het eers na die studies, tydens my eerste jare as jongboer (2000) my passie raakgeloop!”
Volgens Jaco is die 3 belangrikste
eienskappe van ‘n suksesvolle
boerdery die deurlopende meting,
evaluering en antisipasie van alle
hulpbronne.
Regerings beleidveranderings,
wêreldmark kragte en ook die
omgewing (klimaat), dus alles
waaroor die produsent nie beheer
het nie, sien hy as die grootste
uitdagings. Hy glo dat hierdie
uitdagings as geleenthede beskou
moet word en deur innoverende
denke oorkom kan word.
Op ons vraag wie of wat hom gemotiveer het om in te skryf vir die
kompetisie was sy antwoord: “My
vrou, Margot. Sy glo so baie in my,
soms meer as wat ek in myself glo.
Ek is die introvert en sy die spontane een en dit forseer my soms uit
my gemaksone. Landbou het ook
goeie publisiteit nodig. Dit is belangrik om die jeug se belangstelling
terug te trek na landbou en die
dinamies lewendige aard van landbou oor te dra. Landbou moet gekoester word vir die voortbestaan
van die mensdom.
Watter raad/wysheid het hy vir
mede jongboere of nuwe toetreders
tot die landbou?
“Die vele aspekte in landbou
verseker dat enige passie uitgeleef
kan word. Bemarking, fisiologie,
biologie, rekeningkunde, statistiek,
meganieka, tegnologie,regslui,
beleggings en noem maar op. Die
voordeel om enige van die
beroepsrigtings binne landbou te
volg, verseker dat geen 2 dae dieselfde sal wees!”
Jaco glo ook daaraan om betrokke
te raak by die groter gemeenskap
en industrie van jou boerdery vertakking: “Deur te investeer in die
gemeenskap en industrie, kan die
skep van welvaart, ook die
voortbestaan en welvaart van jou
onderneming verseker.”