Jongboere is noodsaaklik
vir die voortbestaan van ‘n gesonde landboubedryf
S
antam Landbou het ‘n
verantwoordelikheid om te
help om ‘n positiewe omgewing vir jongboere te
skep en borg met trots die afgelope
paar jaar die Jongboer van die Jaarkompetisie in die Wes-Kaap, Noordwes en Vrystaat.Niel Esterhuyse,
bemarkingsbestuurder: Santam
Landbou, sê die drie streekwenners
is onlangs aangewys. “Ons wens al
drie jongboere Jaco du Toit (Agri
Weskaap), Sakkie van Zyl (Agri
Noordwes) en Boeboe Louw (Agri
Vrystaat) geluk met hul prestasie as
die onderskeie Jongboer van die
Jaar toekennings en weet dat hulle
nog vir baie jare ‘n groot bydrae tot
landbou sal maak.”
Gerhard Diedericks, hoof: Santam
Landbou, sê dit is vir Santam Landbou ‘n voorreg om verbind te word
met ‘n kompetisie wat jong SuidAfrikaanse boere van ‘n hoë kaliber
beloon vir hul harde werk en hul
bydraes tot die bedryf. “Jongboere
het baie uitdagings en is risiko
bestuur deel van hulle plan om
suksesvol en volhoubaar te boer.
Hulle benodig dus al die ondersteuning wat beskikbaar is en dit is
hier waar Santam Landbou die verskil maak. Ons moet jong-boere vir
die voortbestaan van ‘n gesonde
landboubedryf ontwikkel.”
Gerhard sê Santam waardeer sy
belanghebbendes se besigheid en
moet al die uitdagings waarmee
hulle te make het, verstaan om
regte, egte versekering te verskaf.
“Hierdie borgskappe bring ons nie
net nader aan ons belanghebben-
des nie, maar gee ons ook die
geleentheid om kritieke insette te
kry wanneer ons nommerpas
produkte ontwikkel om in
bepaalde behoeftes te voorsien.”
Gerhard Diedericks (Hoof van
Santam Landbou) saam met
Wes-Kaap wenner Jaco du Toit
en sy vrou Margot
“Hierdie jongboere is dinamies en
het beste praktyke in plek – hulle is
die boere van die toekoms en ons
moet voortgaan om ‘n netwerk
met hierdie nuwe geslag op te
bou.”
Die landboubedryf staan voor talle
uitdagings en Diedericks glo dit is
Santam Landbou se plig om
georganiseerde landbou en
landbou-ondernemings in SuidAfrika te help inspireer.
Callie Buitendag, Streeksbestuurder van Santam Agri
Noordwes) en Sakkie van Zyl,
Noord-Wes wenner
Volgens hom het die vraag na
voedsel in Suid-Afrika die afgelope
dekade aansienlik toegeneem en
hierdie tendens sal na verwagting
voortduur. “Die toename kan
gedeeltelik toegeskryf word aan
bevolkingsgroei, maar is ook deur
groter verbruikerskoopkrag aangehelp. Kommersiële boere het in die
verlede ook moeilike tye beleef en
word steeds aan risiko’s blootgestel, nou selfs meer as voorheen.
“Dit is belangrik dat kommersiële
boere van hierdie risiko’s bewus
bly en soveel moontlik daarvan
verminder.
Boeboe Louw, Vrystaat wenner,
saam met sy vrou, Annelize
“By Santam Landbou poog ons om
versekering selfs meer toeganklik,
bekostigbaar en aantreklik vir
boere en produsente te maak en
ons belê steeds in doeltreffende
risikobestuur om ‘n werklike verskil
te maak om hulle te help om ‘n
volhoubare toekoms te skep,” sê
hy.