‘n Werkbare alternatief vir
Voedselsekerheid?
Saamgestel deur Chris Kriel
A
eroponika is die proses
waarvolgens plante
verbou kan word in ‘n
lug of missproei omgewing sonder die gebruik van grond
of ‘n groeimedium. Die woord
aeroponika is afgelei van die
Griekse woorde airo: lug en ponos:
arbeid
Aeroponika verskil dus van beide
hidroponika, akwaponika en in-vitro
(plantweefsel kultuur) verbouing.
Anders as hidroponika, wat ‘n
vloeibare voedingstofoplossing as
groeimedium en essensiële minerale
gebruik om plantgroei te bevorder;
of akwaponika wat water en visafval benut, word aeroponika
sonder ‘n groeimedium bedryf.
Aangesien water in aeroponika
gebruik word om voedingstowwe
toe te dien, word dit soms as ‘n
vorm van hidroponika beskryf.
Hoekom Aeroponika?
Ironies genoeg is die beginsel van
aeroponika reeds in die
twintigerjare van die vorige eeu
ontwikkel. Botanici het waargeneem dat die afwesigheid van
grond die groei van plante op
menige wyse bevoordeel. Dit was
ook makliker om plantgroei in so ‘n
sisteem dop te hou. In die 1970’s is
hidroponika ook ontwikkel en beide
sisteme is aanvanklik in werking
gestel. Inderwaarheid is
hidroponika ‘n uitvloeisel van
aeroponika. Laasgenoemde het in
werklikheid eers in 1982 sy debuut
gemaak toe ‘n volledige werkende
opset in die Disney Epcot Sentrum
geinstalleer is. NASA toon ‘n
geruime tyd reeds ook intense
belangstelling in die gebruik van die
stelsel vir die verbouing van
gewasse in hul Ruimteprogram.
Die proses is eintlik baie eenvoudig en word mooi saamgevat in die diagram hieronder