Artikel deur Arnand Stofberg
Boshoff Visser
E
en van die hoofredes
hoekom bates soos eiendom en aandele in trusts
gehou word is om die
bates uit ‘n individu se boedel te kry
en sodoende boedelbelasting te bespaar. Daar is egter sekere aspekte
waaraan aandag gegee moet word
om te verhoed dat die bates by
bereddering van die individu se
boedel teruggetel word in sy boedel
as geagte bates volgens klousule 3
(3)(d) van die boedelbelasting wet.
Die drie belangrikste aspekte waaraan aandag gegee moet word is dat
daar notules gehou moet word van
trustee vergaderings en besluite, dat
daar verkieslik ‘n onafhanklike
trustee moet wees en dat daar liefs
nie ‘n testamentêre voorbehoud in
die trustakte moet wees nie.
Notules van vergaderings
Indien daar nie behoorlike notules
gehou word van trustee vergaderings nie kan daar redeneer word
dat die trustbates deur die oprigter
of skenker hanteer is asof dit steeds
sy eie was, met ander woorde die
trustees is nie geraadpleeg as daar
besluite geneem word nie. Dit is dus
belangrik dat alle besluite rakende
wesenlike transaksies wat die trust
aangaan, beleggings wat die trust
maak, lenings wat die trust aangaan
en uitkerings aan begunstigdes deur
trustee vergaderings goedgekeur
word en dat notules van die vergaderings deur al die trustees onderteken word.
Onafhanklike trustee
Hoewel dit nie deur die wet vereis
word nie, is dit raadsaam dat minstens een van die trustees onafhanklik moet wees, met ander woorde
‘n trustee wat nie ook ‘n begunstigde of naby familie van ‘n
begunstigde is nie. Indien die
onafhanklike trustee ‘n professionele
persoon soos ‘n prokureur, ouditeur
of finansiële beplanner is word die
voordeel van kundigheid en ervaring
in die bestuur van trusts ook gekry.
‘n Verdere opsie is om van ‘n
handelsbank, versekerings- maatskappy, ouditeursfirma of regsfirma
se trustdienste maatskappy gebruik
te maak. Saam met die voordeel van
kundigheid en ervaring in die bestuur van trusts soos bo genoem is
daar die verdere voordeel van kontinuïteit, as die verteenwoordiger
van die trustdienste maatskappy sou
sterf, aftree of verhuis word hy deur
‘n ander verteenwoordiger vervang.
Trustdienste maatskappye het gewoonlik ook professionele versekering sou daar regsgedinge teen die
trustees ingestel word.
Testamentêre voorbehoud in
trustaktes
Baie trustaktes bevat ‘n klousule
waarin die oprigter van die trust of
een van die trustees volgens hulle
testament of gedurende hulle
leeftyd kan bepaal hoe die trust-