besondere droë seisoen was met
feitlik geen gras groei nie. Die
verwagting is dat met die regte
veldbestuur dit binne die volgende
jaar of twee tot byna normaal behoort terug te keer. Met die goeie
opvolgreënval wat oor die afgelope
groeiseisoen voorgekom het, is die
talle grassaailing duidelik sigbaar.
Dit is veral rooigras (Themeda
triandra) saailinge wat voorkom en
is verantwoordelik vir die verbetering in veldtoestand.
Wat handtoediening met Molopo
aan betref het mnr Leon van Vuuren
van Shumbas Valley tussen Parys en
Fochville in die distrik
Potchefstroom, na sewe maande
van toediening reeds ‘n aansienlike
toename in die gras komponent
waargeneem. Hy kon net 600 stuks
wild op die plaas aanhou en het dit
tot 1 200 op dieselfde plaas verhoog nadat slangbos oor die afgelope 4 jaar met beide hand- en lugtoediening beheer is.
André de Beer het op die plaas
Modderdam in die Vredefort-distrik
ook hand toediening gedoen en na
slegs vier jaar reeds 85% gras bygekry. Kostegewys was dit die
moeite werd want die weidingkapasiteit het aansienlik verhoog en
kan tussen 60 en 70 meer beeste op
die plaas aanhou.
Llewellyn Angus van die plaas
Wispering Willows in die Arlington
distrik, raak net so opgewonde oor
die fenomenale gras ontploffing
nadat digte stande slangbos uitgeroei is. Vo lgens hom werk die vloeibare Molopo met handbespuiting
en korrels met die hand toegedien
ewe goed. Die vloeibare formulasie
was wel vinniger toegedien met
arbeidsbesparing. ‘n Opvolgaksie
die daarop volgende jaar kan
volgens hom nie oorbeklemtoon
word nie. Soms word sekere slangbosse oorgeslaan met toediening en
moet gevolglik nie kans kry om
weer oor te neem nie. Hy het ook
sukses behaal met vliegtuigbespuiting en trekkerspuite waar digte
stande voorgekom het.
Vanuit hierdie studies het dit duidelik navore gekom dat hoe langer
gewag word om die slangbosse te
beheer, hoe groter die skade op die
graskomponent en hoe langer neem
dit vir weiveld herstel. Indien die
bosse toegelaat word om te groot
te word (uitgroei) verdring dit alle
grasse rondom die bos en indien
dan eers verwyder word, hetsy met
watter beheer maatreël, laat dit ‘n
geweldige groot kaal oppervlakte
agter. Hierdie kaal oppervlakte sal
eers na ‘n aantal jare weer met gras
bedek wees. Die kaal oppervlaktes
gaan ook gepaard met gronderosie
wat die produksie potensiaal van
die veld verder verlaag. Die sukses
van hierdie veldherstel proses is die
toepassing van ‘n goeie veldbestuurstelsel na die slangbosbeheer, wat lang rusperiodes insluit
om die grassaalinge voldoende kans
te gee vir vestiging, asook om die
groeikrag van die volwasse grasse
te laat herwin.
Samevatting
Talle ander suksesverhale bestaan
ook waar die weidingkapasiteit van
‘n plaas aansienlik verhoog is na die
bekamping van slangbos. Dit is geld
goed spandeer wanneer die wins in
weidingkapasiteit van die veld teen
die koste van slangbos bestryding
opgeweeg word. Verdwaalde slangbosplante wat weer groei moet
gemonitor word en met handtoediening bestry word. Dit wil dus
voorkom asof hierdie ‘n probleem is
wat gekom het om te bly in sekere
weivelddele van ons land en daarom is opvolgaksies die wagwoord
om enigsins langtermyn sukses te
behaal.
Gids tot volhoubare produksie van weiding
Die gewilde weidingboek saamgestel deur professor Hennie Snyman
(Departement Vee-, Wild- en Weidingkunde, Universiteit van die
Vrystaat) is pas herdruk.
Beskikbaar by: [email protected]
Tel 021 4064962
R400
plus
posgeld
Kan ook direk elektronies bestel word deur te gaan na:
www.landbou.com
Gaan heel na “winkel”, en kies dan “weidingboek.”
Die boek kan dan met ‘n Kredietkaart bestel word.
‘n Moet vir elke vee- en wildboer!