Kobus Lourens
BOSHOFF VISSER
D
ie gesegde “dit is ‘n man se
wêreld” is vinnig besig om
te verander na “die wêreld
van die vrou”.
Vrouens beklee en handhaaf hulself
in hoë profiel posisies met ongelooflike gesag en sukses. Dink maar
aan Hillary Clinton en Angela Merkel in die politieke arena. Groot
name in die besigheidswêreld is
ondermeer Marissa Mayer (Hoof
Uitvoerende Beampte van Yahoo),
Gill Marcus (Hoof van die Suid- Afrikaanse Reserwebank) en Christine
Lagarde (Besturende Direkteur van
die Internasionale Monetêre Fonds).
Dan speel vroue ook nog die belangrike rol van ‘n ma, wat ons jeug
moet slyp vir die toekoms!
Nieteenstaande die suksesse wat
vroue in dissiplines regoor ons
samelewing behaal, tree vroue in
baie gevalle onseker op as dit by hul
geldsake kom. Volgens ‘n studie
wat Allianz Life in 2013 onder vroue
in Noord-Amerika gedoen het, is
bevind dat negentig persent (90%)
van vroue finansieel onseker voel as
dit by hul geldsake kom. Wat verder
onrusbarend is, is dat byna die
helfte van die vroue se grootste
bekommernis is dat hulle alles kan
verloor en afhanklik sal raak van
iemand anders ten opsigte van hul
geldsake. Dit sluit vroue wat meer
as R2,000,000-00 ‘n jaar verdien in.
Die studie het verder bevind dat ‘n
vrou se nommer een vrees is om hul
lewensmaat te verloor en hul tweede grootste vrees is dat hul nie geld
sal hê by aftrede nie. Vir enkellopende of geskeide vrouens is laasgenoemde hul grootste vrees.
Om finansieel onafhanklik te raak is
‘n proses wat dissipline verg oor
jare en is nie iets wat oornag plaasvind nie. Kortliks die volgende vir
oorweging:
Moenie skei van jou geld nie
Vroue skei in baie gevalle van hul
inkomste en laat alle finansiële sake
aan hul lewensmaat oor. Dit is belangrik dat elke vrou ‘n sin van
finansies het en seker maak sy is
ingelig as dit by haar eie geldsake
kom.
Sorteer jouself uit en maak ‘n
plan
Vroue se tyd is dikwels beperk en
hul kry nie altyd genoegsame “me
time” om na dinge soos ‘n begroting, testament, genoegsame
korrekte lewens- en ongeskiktheidsdekking asook beleggingsmoontlikhede te kyk nie. Neem tyd en
skryf neer wat alles belangrik is en
watter aspekte aandag moet geniet.
Begin stelselmatig elke aspek aanspreek soos om jou testament te
hersien. Sodra dit afgehandel is pak
die volgende taak aan soos die opstel van ‘n begroting. Maak seker jy
hanteer alle aspekte met verloop
van tyd. Begin net!
Begin belê en neem berekende
risiko
Baie vrouens voel hulle het nie genoegsame fondse om te belê nie.
Dit is in meeste gevalle onwaar en
jy kan vir so min as R500 per maand
in effektetrusts begin spaar. As ‘n
reël is vrouens ook geneig om risiko
avers te wees. Oor tyd dra groeibates soos aandele en eiendom
risiko en kan ‘n belegging daarin
berekend gedoen word.
Namens almal by Boshoff Visser
wens ons al ons vroue kollegas
en kliënte ‘n gelukkige Vrouedag toe op 9 Augustus.