Produsente moet seker maak dat
hulle genoeg water beskikbaar het
om die beplande hektare vrugte te
kan besproei, of planne maak om
hulle beskikbare water te vermeerder deur nuwe boorgate, groter
maak van damme, of beter benutting van bestaande water deur
beter grondvogbestuur of besproeiingstelsels wat minder water
vermors. Daar moet ook in ag
geneem word dat enige nuwe
waterbronne of opgaarkapasiteit
geregistreer moet word.
Beskikbaarheid van arbeid:
Wyndruiwe produksie kan al tot ‘n
baie groot mate gemeganiseer
word tot op die punt waar ‘n
ekonomiese eenheid met net ‘n
paar trekkerdrywers behartig kan
word. Daarenteen vereis die meeste
vrugtesoorte groot spanne
arbeiders vir take soos snoei, uitdun
en oes.
Groot kapitale uitleg:
‘n Produsent wat nog nie bestaande vrugteboorde het nie sal baie
toerusting soos lere, pluksakke,
kratwaens en vurkhysers moet
aanskaf aangesien dit glad nie in
die wynbedryf gebruik word nie.
Baie wingerd spuitpompe is ook te
swak om vrugtebome effektief te
bespuit en in daardie geval sal
nuwe spuitpompe ook aangeskaf
moet word, wat weer daartoe kan
lei dat sterker trekkers aangeskaf
moet word om die groter spuitpompe te sleep.
Indien die produsent van ‘n vrugtepakker gebruik gaan maak om sy
vrugte te pak, sal hy die vrugte
soontoe moet vervoer wat ook
verdere kostes veroorsaak. As die
produsent sy eie vrugte wil verpak
sal ‘n pakstoor en koelkamers opgerig moet word wat ‘n baie groot
kapitale uitgawe is, veral aangesien
daar op die stadium nie meer finansiële hulp van die Departement van
Handel en Nywerheid ontvang word
vir die oprig van pakstore en koelkamers soos in die verlede nie.
Sommige vrugsoorte kom stadig
in produksie:
Baie vrugsoorte soos sitrus, appels
en pere neem 5 tot 6 jaar om in voldrag te kom teenoor wyndruiwe
wat slegs 3 jaar neem. Produsente
sal moet seker maak dat hulle genoeg finansiering beskikbaar het
om die lang wagtyd te hou voordat
die vrugte aanplantings begin om
wesenlike inkomste te genereer.
Pruime en perskes kom ook soos
wyndruiwe vinniger in drag en skep
dus nie dieselfde probleem nie.
Groter risiko’s:
Vrugte is baie meer gevoelig vir
haelskade, windskade en reën in
oestyd as wyndruiwe en misoeste
kom dus meer gereeld voor. Produsente sal moet besin of hulle oesversekering gaan uitneem wat ‘n
groot ekstra onkoste beteken en of
hulle die risiko self gaan dra.
Aangesien ‘n baie groter persentasie van die totale vrugte oes
uitgevoer word as van die totale
wyndruiwe oes is die wisselkoersrisiko ook baie groter. Op die
huidige stadium werk die wissel-
koers baie gunstig in die vrugte
bedryf se guns, maar dit kan baie
vinnig verander.
Nuwe toetreders betaal gewoonlik skoolgeld:
Soos met enige ander bedryf het
nuwe toetreders tot die vrugtebedryf ‘n groot agterstand wat
betref tegniese kennis en ondervinding. Elke vrugsoort, en soms
ook elke kultivar van ‘n bepaalde
vrugsoort, het ander vereistes wat
grondvoorbereiding, besproeiing,
onkruidbeheer, siekte- en plaagbeheer, bemesting, snoei praktyke
en oespraktyke betref.
Die kennis wat bestaande vrugteprodusente oor die jare opgedoen
het, kan nie gekoop word nie en
nuwe toetreders moet aanvaar dat
hulle soms foute gaan maak. Nuwe
vrugteprodusente moet dus hulle
berekeninge eerder meer konserwatief maak en speling toelaat vir
foute wat die winsgewendheid
negatief kan beїnvloed.
Nuwe toetreders word ook
aangeraai om soveel moontlik
gebruik te maak van die vrugteuitvoerders, chemiese maatskappye
en maatskappye wat besproeiїngstoerusting verkoop se tegniese
konsultante. Moet ook nie skroom
om by bestaande vrugteprodusente
aan te klop vir raad nie.
Indien al bogenoemde punte goed
deurdink word en daar deeglike
beplanning gedoen word is daar
geen rede hoekom ‘n nuwe
vrugteprodusent nie baie suksesvol
kan wees nie.
Arnand Stofberg – B Agric Admin (US); B Compt (UNISA)
Direkteur: Boshoff Visser Worcester (Edms) B pk; Boshoff Visser Groep (Edms) Bpk
Tel: 02334 22374
Epos: [email protected]
Bostaande is slegs ter inligting en is geensins advies nie. Boshoff Visser raai alle lesers aan om met 'n kundige finansiële adviseur in
verbinding te tree voordat enige besluite geneem word