Willem Kilian Dawie du Plessis,
LNR Kleingraaninstituut, Bethlehem
Daar is tydens die vergadering van die Nasionale Kultivarwerkgroep, wat op 11 Februarie
2016 plaasgevind het, geen veranderinge aan die koringkultivar-aanbevelings onder
droëlandtoestande in die Somerreëngebied aangebring vir die 2016 produksieseisoen nie.
Die 2015 koringproduksie-seisoen sal onthou word as
een wat ’n goeie begin gehad het, maar as gevolg van
droogtetoestande gedurende die grootste gedeelte van
die groeiseisoen nie die aanvanklike potensiaal kon
realiseer nie.
Bogemiddelde reënneerslae in Junie en Julie (36 mm in
totaal) het verseker dat opkoms en vroeë ontwikkeling
nie ’n probleem was nie (Figuur 1).
Figuur 1: Reënvalverspreiding (Bethlehem) in die groeiseisoen gedurende 2015 in vergelyking met die 65
jaar langtermyn syfers
In die kritiese maande van Augustus tot November was
die totale reënval op Bethlehem slegs 58 mm, teenoor
die langtermyn gemiddeld van 121 mm vir hierdie
tydperk.
Die strestoestande waaraan die koringaanplanting
onderwerp is, is verder vererger deur
temperatuurvlakke veel hoër as die langtermyn
gemiddeld (Figuur 2).