Figuur 10: Opbrengsprestasie van kultivars in die Oos-Vrystaat (later aanplanting) oor die driejaar tydperk
van 2013 tot 2015
Die gemiddelde opbrengs wat oor hierdie tydperk gemeet is, was 3.21 ton/ha, bykans ‘n half ton meer as in
die vroeër planting oor dieselfde tydperk. PAN 3111
(3.49 ton/ha) het die hoogste opbrengs gelewer en in
die tweede plek was SST 387 met 3.39 ton/ha. Hierdie
twee kultivars het nie betekenisvol van mekaar verskil
nie.
Aanbevelings
LNR-Kleingraaninstituut publiseer jaarliks ’n reeks
breedvoerige handleidings wat alle produksie-inligting
vir die onderskeie kleingraanproduksiestreke bevat.
Hierdie handleidings word gedurende die eerste week
van April aan produsente gepos. Die amptelike
aanbevelings vir kleingrane sowel as die opsomming
van die resultate wat in die 2015 seisoen behaal is, soos
goedgekeur deur die Nasionale Kultivarevalusie
Werkgroep, word hierin vervat.
Produsente wat nie die publikasie ontvang het nie, is
welkom om met Elri Burger by LNR-Kleingraaninstituut
in verbinding te tree (058 3073507 of
[email protected]).
Die navorsing is moontlik gemaak deur die finansiële
ondersteuning van die Wintergraantrust en die
Landbounavorsingsraad