Agoloso Presents - Atondido Stories Agoloso Presents - Paphata pa Chichewa | Page 86

Paphata pa Chichewa
Kamberembere: Munthu wodanitsa, munthu
wosadalilika.
Chitsanzo: (1) Pamudzi pano pachuluka akamberembere.
(2) Akanadziwa kuti mwamuna wake uja ndi
kamberembere sakanakwatira naye.
Kambona: Munthu wolemera.
Chitsanzo: Atsikana ambiri akumafuna kukwatiwa ndi
kambona.
Kamchacha: Munthu woyendayenda.
Chitsanzo: Amene uja ndi kamchacha, safuna kuti matako
ake akhale pansi.
Kamkomya: Kuphikira mwamuna chakudya chomwe
amachikonda, kusungira kapena kupereka chakudya kwa
munthu amene umamukonda.
Chitsanzo: (1) Ndikufuna ndikawapangile amunanga kam-
komya. (2) Mkazi akakhala wamkomya, mwamuna
sachoka pakhomo.
Kamkonono: Wailesi yosamveka bwino.
Chitsanzo: Tatseka kamkonono kakoko, tikugonatu ife!
Kampalambutete: Munthu wometa mpala wa ngwee.
Chitsanzo: Ukungodzivuta kupita kusukulu lero,
aphunzitsi safuna kampalambutete.
Kamthemba: Munthu wamtali komanso wamng’ono
thupi.
Chitsanzo: Kamthemba uja adakwatira mtsikana wamfupi
zedi.
Kamwendom’njira: Munthu woyendayenda.
Chitsanzo: Kodi a kamwendom’njira aja alowera kuti?
85