Agoloso Presents - Atondido Stories Agoloso Presents - Paphata pa Chichewa | Page 71

Paphata pa Chichewa
Gwira chikho m’kati: Kuchimwa, kulakwa.
Chitsanzo: Jemusi anagwira chikho m’kati.
Gwira chiputu: Kana kuchoka.
Chitsanzo: Akamuuza kuti achoke amangogwira chiputu.
Gwira m’maso: Pusitsa.
Chitsanzo: (a) Sindingalole kuti andigwire m’maso. (b)
Kuteroko nawenso anakugwira m’maso?
Gwira m’thupi: Menya.
Chitsanzo: Amuna awo anawagwira m’thupi, n’chifukwa
chake amalira.
Gwira m’thupi: Menya.
Chitsanzo: Amuna awo anawagwira m’thupi.
Gwira mbuyo: Gwira matako.
Chitsanzo: Mnyamatayo anamupatsa chibalo chopweteka
chifukwa anagwira mbuyo ya mtsikana winawake.
Gwira mphuno: Kupusitsa.
Chitsanzo: Osamalola kuti anthu azikugwira mphuno.
Gwira mpini: Kulima.
Chitsanzo: Amene anagwira mpini chaka chatha,
sanabwereko chimanjamanja.
Gwira mwendo wachiwala: Khulupirira munthu
wachabe.
Chitsanzo: Muzisamala mukhoza kugwira mwendo
wachiwala.
Gwira njakata: Tanganidwa, kusowa chochita.
Chitsanzo: Umagwira njakata mavuto akakupanikiza.
70