Agoloso Presents - Atondido Stories Agoloso Presents - Paphata pa Chichewa | Page 48

Paphata pa Chichewa
Chotsa mano: Menya modetsa nkhawa.
Chitsanzo: Osamawayamba dala anthu
angadzakuchotseni mano.
Chotsa ng’ala: Chenjeretsa kapena kukhaulitsa.
Chitsanzo: Unachita bwino kumuchotsa ng’ala.
Chucha: Kupusa
Mwachitsanzo: Ana ochucha amakhala oti anawalerera
pachilolo.
Chulu cha ndiwo: Wooneka mopusa, munthu wopusa.
Chitsanzo: Sindingalole kuti anthu ena azinditenga ngati
chulu cha ndiwo.
Chulukitsa ndi malovu: Kuwonjezera bodza.
Chitsanzo: Zimene amanena zija wazichulukitsa ndi
malovu.
Chulutsa gaga m’diwa: Onjezera zonena.
Chitsanzo: Ukamafotokoza nkhani, osamachulutsa gaga
m’diwa chifukwa umangophimba mfundo zofunika.
Chuma chimathawa: Chuma sichikhalitsa.
Chitsanzo: Osamayerekedwa, kodi simudziwa kuti chuma
chimathawa?
Chuma chiyenda: Chuma sichikhalitsa.
Chitsanzo: Osamayerekedwa, kodi simudziwa kuti chuma
chiyenda?
Chumba: Munthu wosabereka.
Chitsanzo: Atakhala zaka ziwiri popanda mwana,
mphekesera zinayamba kumveka kuti ndi chumba.
47