Agoloso Presents - Atondido Stories Agoloso Presents - Paphata pa Chichewa | Page 46
Paphata pa Chichewa
Chobwerera mbuyo: Kumayankhula nkhani ngati
sukuidziwa.
Chitsanzo: Munthu sayenera kumayankhula chobwerera
m’mbuyo.
Chocholoka: Chenjeretsa.
Chitsanzo: Ana anuwa ndi ochocholoka.
Choka mchere:
(a) Kusakhalanso wachikoka.
Chitsanzo: Kukongola si kanthu koma khalidwe.
Umafunika kusankha munthu woti akadzachoka mchere,
uzidzamukondabe.
(b) Mkazi wosachita manyazi ndi amuna kapena
mwamuna wosachita manyazi ndi akazi.
Chitsanzo: Anthu anasiya kumufunsira chifukwa sakana
munthu. Anachoka mchere.
Choka penti: Kusiya kukongola. Angatanthauzenso
kutha kapena kusukuluka.
Chitsanzo: (a) Simunkagwirika mukuwala inu. Lero
mwachoka penti ndiye mwatifuna. (b) Anali asungwana
awa, koma lero achoka penti.
Chokhetsa dovu: Chakudya chokoma kwambiri.
Chitsanzo: Azakhali anatiphikira chakudya chokhetsa
dovu.
Chokhetsa malovu m’kamwa (chokhetsa dovu):
Chakudya chokoma kwambiri.
Chitsanzo: Azakhali anatiphikira chakudya chokhetsa
malovu m’kamwa.
Chokocha: Chotsa.
Chitsanzo: Kampani ikufuna kuchokocha antchito ena.
45