Agoloso Presents - Atondido Stories Agoloso Presents - Paphata pa Chichewa | Page 395
Paphata pa Chichewa
Zachilendo: Zodabwitsa.
Chitsanzo: Ayamba kuchita zachilendo.
Zachisawawa:
(a) Zopanda dongosolo,.
Chitsanzo: M’tauni mukungochitika zachisawawa.
(b) Zongopezeka paliponse.
Chitsanzo: Zinthu zimenezi sizimapezeka mwachisawawa.
Zada: Zavuta.
Chitsanzo: (1) Apa ndiye zanga zada. (2) Apa ndiye zinthu
zamudera.
Zagwa m’mbale: Zakhala bwino.
Chitsanzo: Ndimafuna ndalama yogulira nsapato. Kenako
amalume anandipatsa zawo moti zinagwa m’mbale.
Zagwa ndi khope: Kukhala ndi zinthu zambiri
mosayembekezeka.
Chitsanzo: Zakudyazi zagwa ndi khope.
Zagwa zatha: Zachitika basi, tingolimba nazo.
Chitsanzo: Ngakhale mulire palibe chitasinthe, zagwa
zatha basi.
Zagwazatha: Munthu wolimba mtima.
Chitsanzo: Iye ujatu ndi zagwazatha, kaya akumane ndi
mavuto otani, sabwerera m’mbuyo.
Zakeyu: Mawu achipongwe onenza za munthu wamfupi.
Chitsanzo: Anangoona kukhala Zakeyu, koma mumtima
mwakemo ndi wamtali.
Zakumanja: Zochepa.
Chitsanzo: Chaka chino angokolola zakumanja.
Zakupsa: Zinthu zanzeru, zomveka, zaphindu komanso
zoona.
Chitsanzo: Zimene amayankhula zimakhala zakupsa
zokhazokha.
394