Agoloso Presents - Atondido Stories Agoloso Presents - Paphata pa Chichewa | Page 370

Paphata pa Chichewa
Vala jekete: Kuuma kwa chakudya monga nsima.
Chitsanzo: Tachedwa kudya nsimayi, taonani mpaka
yavala jekete.
Vala mdima: Kuchita zinthu momasuka chifukwa kuli
mdima.
Chitsanzo: Ena satha kuvina kukamawala, koma mdima
ukakuta, amavina bwinobwino. Amamasuka akavala
m’dima.
Vala zilimbe: Kulimba nazo, kupirira.
Chitsanzo: Valani zilimbe, mwakula mwatha!
Valira nguwo ya kasenye: Kulimbikira kwambiri ntchito.
Chitsanzo: Mvula yatsala pang’ono, mpofunika kuvala
nguwo ya kasenye.
Viika: Kulakwa polankhula.
Chitsanzo: Apa ndiye mwaviikatu, mwayankhula ngati
mwana.
Viikana m’madzi: Putirana milandu.
Chitsanzo: (1) Anthuwa aviikana m’madzi. (2) Mwana
woshashalika amaviika m’madzi anthu akwawo.
Vinira: Kalipira.
Chitsanzo: Ukamumenya mwanayu, makolo ake
akakuvinira.
Voko: Mokhala ngati kulanda, mwamakani,.
Chitsanzo: Anabwera kudzatenga katundu wawo
mwavoko.
Vomera moto: Kusachedwa kugwirira moto, kusachedwa
kutentha.
Chitsanzo: Mitengo iyi imavomera moto.
Vulala: Tenga matenda.
Chitsanzo: Ukapitiriza kuyenda mothamanga uvulala.
Dziko lake siili.
369