Agoloso Presents - Atondido Stories Agoloso Presents - Paphata pa Chichewa | Page 315
Paphata pa Chichewa
Onetsa zakuda: Menya kwambiri.
Chitsanzo: Mukachita masewera akuonetsani zakuda.
Ongaza:
(a) Wamisala.
Chitsanzo: Bambo aja ndi ongaza.
(b) Wachamba.
Chitsanzo: Mkulu ameneyu akuoneka kuti wangaza.
Ongolani pakamwa: Lankhulanipo.
Chitsanzo: Musangoti du, nanunso taongolaniko pa-
kamwa.
Opanda pake: Wosathandiza.
Chitsanzo: Anthu amenewa ndi opanda pake,
sangatithandize.
Opanda pokopera: Anthu oipa, opanda pabwino.
Chitsanzo: Anthu amenewa ndi opanda pokomera.
Osainunkha: Osadya nawo kapena kulawa.
Chitsanzo: Ukapanda kugwira ntchito suinunkha nsima
lero!
Osakaza: Owononga zinthu.
Chitsanzo: Anthu amenewa ndi osakaza chakudya.
Osalungama: Anthu oipa, ochita zimene Mulungu
amadana nazo.
Chitsanzo: Anthu osalungama sadzalowa mu Ufumu wa
Mulungu.
Osamanditola: Kumandilemekeza, kumandipatsa ulemu.
Chitsanzo: Osamanditola ayi, ndidzakuonetsani polekera.
Osamandizolowera: Kumandilemekeza, kumandpatsa
ulemu.
Chitsanzo: Osamandizolowera ayi, ndidzakuonetsani
polekera.
Osamba: Apantchito, ophunzira, olemera.
Chitsanzo: Akazi amasiku ano akumakhala osamba.
314